百樂小館 (已結業) 查看

百樂小館屬新派潮洲菜、裝潢簡潔高雅，是我喜歡的潮洲菜館。中菜菜式種類繁多、越簡單的菜式越難造得出色，百樂小館完全沒令我失望。首先送來的功夫茶味甘、但喝下去又覺順喉。不過喝完功夫茶容易失眠、大家適可而止啦。滷水拼盤的墨魚唔會太硬、有爽彈感。雖然色澤唔算深、但鵝片、雞蛋、豆付都吸收了滷水汁、好香滷水味。蜜汁雞翼肉嫩皮脆、唔會太甜又有芝蔴香味～讚！冬瓜盅清淡得來又唔會太淡、金華金腿和鮮蝦提昇了鹹鮮味。陳皮話梅炆豬手第一次吃，平時唔食話梅的我都覺得好香、豬手好淋仲有好多膠質。杏汁桂花糕造型精緻、杏仁味唔算濃、但淡淡的桂花香氣，清清的作為甜品不錯。