得兩個人，再加上我戰鬥力唔高，所以只係叫左半份北京填鴨($198) 同上海粗炒麵($138)就完了😋
上海粗炒麵都上得幾快，5-10分鐘度就已經上菜了，我鍾意佢唧嘅麵偏硬，有咬口，係我喜歡嘅質地，味道都足夠，唔會過鹹，不過如果可以多啲配料就好了🧐
到重頭戲北京填鴨了，呢度嘅係片到皮肉分開，你可以自己選要唔要淨皮唔要肉，定淨肉唔要皮，再加上配料京蔥同青瓜，淋上甜麵醬，用餅皮包住食。
鴨皮烤到香脆，痴住少少脂肪，連埋鴨肉一齊包嚟食，有鴨油嘅香，鴨肉都好有味道，配料就加返少少清新嘅感覺，食落去好幸福🥰
最後兩個人都食到飽一飽都食唔晒所有野，半份片皮鴨我估都足夠填飽我地6-7成肚，下次可能半份片皮鴨再加啲小食就可以了。最後埋單連加一$369，但有海港城dining券，用完只係$269，人均$135可以食到片皮鴨，食到飽一飽，CP值超高🤤
