CAFE @ OFF-WHITE (已結業)

3:30去食下午茶，可能因為比較偏僻，所以冇乜人排隊，好快入到。入到去嗌咗個三層下午茶，加$38可以轉兩杯特飲。啲鹹點有驚喜，好食過甜點，但係唔知點解隔籬枱個下午茶隻碟特別靚，我嗰隻就好似縮咗水。嘢飲就勁淡，完全冇味，好似飲緊梳打水咁。個下午茶包兩杯迷你奶昔，本身冇嚟到，因為見到隔籬枱有，所以先記起，再問佢哋，佢哋就問晒成間鋪有冇出過比過我哋，好似驚我哋呃佢咁。到最後收錢嘅時候，唔知點解兩杯特飲收咗原價，好彩有睇張單，之後返轉頭，佢哋搞咗一大輪先退錢。