武士拉麵 (已結業)

來附近有野做就睇下九展有咩好食，見呢間最多好評最多，午餐時間食一碗只係$58，就揀左呢間。叫左碗始祖將軍拉麵（濃豬骨湯底）,揀左濃湯，粗麵，普通硬度。好快就到，食拉麵第一件事一定係飲湯先，一飲就係好熟識既味道，無錯就係出前x丁豬骨湯味，呢個時候真係好想倒左佢，再食左口麵，至少唔係出前x 丁拉麵，但好硬唔好咬，塊紫菜淋晒，蛋普通，义燒普通，整體就係茶餐廳水準，唔知點解可以開到3間店，lunch 時間都唔小人。佢仲有黑蒜油豬骨同地獄拉麵，呢兩種出前x丁都有，真係好想知係咪都係一樣味，但冇可能再回頭試多少。