小欖燒烤樂園 (已結業)

連續落左一星期雨，難得星期六冇落雨又涼涼地，就一家人去左屯門小欖燒烤樂園。好多年前同朋友嚟過，今次去發現環境好左好多，乾淨整齊，又多左好多比細路仔玩既設施，例如夾公仔，巨型吹氣滑梯，小攤位遊戲等等，亦有籃球機，擲飛鏢及打麻雀可供大人玩樂。可能因為成個星期都落雨，今日又陰天，所以人唔算多，入到自己揀完位之後，就準備出去拎野食。食物部就分開肉類同丸類，比較覺得新鮮既係有柚子雞扒同土匪雞翼，而我每次bbq最中意就係雞全翼呢到既沙嗲雞全翼醃得好有味，諗返起都流口水！食到咁上下就想飲嘢，佢就包一支水同埋一支嘢飲，當然唔夠可以俾錢買啦。另外我哋仲俾錢買咗盒蒜蓉黎搽面包嚟燒，再加上蜜糖，食落口又甜甜地又香口，簡直係prefect match!燒烤場隔離仲有個沙灘仔，食到飽飽仲可以帶狗仔落去行吓，現場仲見到好多其他狗仔添，狗仔們都玩得好開心！真係啱晒一家大細嚟啦。