哥哥添飯•妹妹泡茶 (已結業)

今日喺附近廚具店買完嘢 諗住入嚟涼冷氣等巴士 見呢度有一間裝修幾靚嘅餐廳都幾吸睛 又有下午茶就買返屋企試下叫咗混一色綜合手工芋圓拼鹽酥雞，仲要左杯荳花芒芒果肉爆冰鹽酥雞係九層塔鹽酥雞球，係台灣菜式裏面我都好鍾意食嘅一款，外皮炸得夠脆，入面雞肉都好嫩，唔算乾身就算返到屋企先食仍然非常唔錯呢個綜合手工芋圓真係一試難忘，除咗一般都會有嘅三色芋圓，仲有愛玉，蘆薈，珍珠，紅豆，而且佢嘅糖水底係薑汁味道，飲落唔會太辣，係少少辛嘅感覺，口感同味道都好豐富，每啖咬落去都係唔同組合配搭，份量亦好多，太好食。再試埋杯荳花芒芒果肉爆冰，又係好滿意，滿滿嘅芒果沙冰，係令人流晒口水嘅黃色，個底係滑溜溜嘅豆腐花配甜甜嘅芒果沙冰，冰凍又香甜，加埋芒果香，雖然好大杯，啜啜下又飲晒，一流，飲完個人涼浸浸，太爽！