更多
2017-08-25
249 瀏覽
香港可以食到火焰雪山嘅地方真係唔多，今次竟然俾我發掘到一間食火焰雪山嘅好地方，仲要喺尖沙咀北京道，地點好方便，就係太子集團中心6樓嘅 SHINE! 又平又正又重料!實在太正，所以要介紹左甜品先，一定要留定肚食呢個呀~~呢座火山 - 冧酒火山$108，一出場就成為全場焦點！好巨型，有我個頭咁大。一上枱，店員就會為呢座雪山淋上冧酒後隨即點火，藍色火焰，非常吸睛，巧靚呀。因為冧酒份量唔多，只有山頂部份微微燒焦。打蛋白霜打得綿滑企身，雖然冧酒已經蒸發左啲，但出頂位冧酒嘅味道仍然濃烈，滲入晒蛋白霜之間，而我就更愛山腳的味道，簡單又不帶一點甜味。打開雪山後，會見到一層海綿蛋糕嘅餅底，上面就有雲呢拿同朱古力雪糕，一入口就知，係Mövenpick嚟架。雲呢拿入面有一點點雲呢拿籽，雲呢拿味係特別香口，並非一般雲呢拿香油。入面仲有新鮮士多啤梨、藍莓、紅桑子添食食吓俾我發掘到兩粒泡芙，入面又係香滑雪糕。繼續食又有兩粒馬卡龍，真係驚喜無限。一球Mövenpick雪糕都要幾十蚊，仲要有兩球，成個雪山又冧酒、又厚厚蛋白霜、又海綿蛋糕、又泡芙馬卡龍、又鮮果，咁巨型又好食，甜蜜又滿足又好玩(好似雪山搵到寶藏咁)都只係
呢座火山 - 冧酒火山$108，一出場就成為全場焦點！好巨型，有我個頭咁大。
一上枱，店員就會為呢座雪山淋上冧酒後隨即點火，藍色火焰，非常吸睛，巧靚呀。
冧酒火山
$108
19 瀏覽
0 讚好
0 留言
打蛋白霜打得綿滑企身，雖然冧酒已經蒸發左啲，但出頂位冧酒嘅味道仍然濃烈，滲入晒蛋白霜之間，而我就更愛山腳的味道，簡單又不帶一點甜味。打開雪山後，會見到一層海綿蛋糕嘅餅底，上面就有雲呢拿同朱古力雪糕，一入口就知，係Mövenpick嚟架。雲呢拿入面有一點點雲呢拿籽，雲呢拿味係特別香口，並非一般雲呢拿香油。入面仲有新鮮士多啤梨、藍莓、紅桑子添
食食吓俾我發掘到兩粒泡芙，入面又係香滑雪糕。
繼續食又有兩粒馬卡龍，真係驚喜無限。
一球Mövenpick雪糕都要幾十蚊，仲要有兩球，成個雪山又冧酒、又厚厚蛋白霜、又海綿蛋糕、又泡芙馬卡龍、又鮮果，咁巨型又好食，甜蜜又滿足又好玩(好似雪山搵到寶藏咁)都只係$108，絕對係必點之選。
講完甜品返去第一道菜講起，龍蝦湯$88，濃稠而味濃，龍蝦味好香。
入面有一件龍蝦肉，爽口彈牙。但份量唔係太多。
手工豬肉丸子伴溫泉蛋$78，以鐵板上枱，睇見時有點吃驚，每粒都好似網球咁大。
外層炸至脆囗金黃，切開後內裏滿滿豬肉，仲見到一絲絲豬肉，肉汁仍然保存，口感出奇地係嫩滑，肉味香濃，又有一點高級午餐肉嘅味道。
溫泉蛋一戳開蛋汁流出，用嚟蘸沙律或肉丸都好適合。
海鮮墨汁意大利飯$188，罕見地餸仲多過飯，啲材料係密鋪成個意大利飯表面，好誇張。
大蝦、青口、蝦仁、魚柳、魷魚……蝦仁係極鮮爽
仲有好大粒帶子，材料真係非常豐富。
黑麻麻嘅墨汁意大利飯，味道調得濃而鮮，一邊食一邊笑，見到朋友啲牙同個嘴都好黑，食呢個千祈唔好講野。
燒安格斯肉眼扒配紅酒燒汁$308，牛扒夠晒大份，足十安士。
好大份薯蓉，薯蓉入面係有一粒粒薯仔，特別有口感。 烤串串茄、同粉粉地又幾好食嘅燒蒜頭。
雖然牛味唔錯，肉汁多，但係入口有啲韌，仲要其中兩成都係全肥膏，有啲失望。
餐廳有吧台又有梳化位，一邊光線充足，感覺熱鬧啲，啱一大班朋友gathering。另一邊就迷幻燈光，適合三五知己飲返兩杯吹吓水。呢度除咗開頭講嗰個火焰雪山多食客點之外，另外一個玫瑰蘋果金寶都幾多人叫，用乾冰點綴成個甜品都好夢幻。今次我哋得兩個人，膽粗粗挑戰冧酒雪山，但又食唔晒，有啲浪費，下次要留定肚或者叫一班friend嚟食晒咁多款甜品先得~
張貼
