明閣 (香港康得思酒店)

事隔兩年，今日再同朋友嚟飲茶。點心價錢當然加了不少，但服務、食物品質冇變

至尊蜜汁叉燒

$358

叉燒依然以肉質取勝，份量足，味道偏淡，蜜汁唔甜，亦唔係燒得好燶，可算係健康呢！

蜜汁叉燒腸粉

$88

叉燒餡雖然多但好淡冇豉油真係唔得！

燒賣、鹹水角、流沙包都係正常味道，冇乜特別，覺得唔值咁貴

油雞樅菌龍蝦露筍果

$98

第一次食有驚喜，賣相吸引，晶瑩餃皮包住爽口露筍，加埋鮮甜濕潤嘅蝦肉，係今餐最好食的

遠年陳皮蒸柚皮排骨

$88

最值錢係嗰幾條陳皮，但全碟點心冇陳皮味，柚皮已經腍到碎晒，排骨不健康，鹹得滯

薑汁桃膠燉鮮奶

$68

飯後甜品都係一般啦，薑汁味唔濃，勝在唔係好甜。