更多
2017-10-26
1011 瀏覽
今次已經係男朋友第二次食,因為第一次感覺到錯而今次行過油麻地又唔知有咩好食,所以就再食返呢間。今次入到去都幾多人好彩。我哋去之前有訂定位。牛油金菇包,入面嘅金菇份量都幾多,而且比錫紙包住又燒到好熱。所以全部金菇都超軟熟,而入面嘅蒜蓉唔算太多,不過咁樣就反而食到金菇嘅香味,沾少少下面嘅汁,會更加好味。牛柳串,入面筋嘅份量唔係好多所以令到啲肉都幾容易咬,而且出面燒到少少脆脆地,入面係啱啱好熟所以肉汁都冇流失,而且都幾稔。加上面頭有少少辣粉令到味道更加豐富。雞中翼雞全翼表皮都燒到好脆,而且有少少鹹鹹地,加上入面嘅肉因為啱啱好熟所以好嫩滑,食雞全翼就比較麻煩少少因為好容易食到成咀都係,所以叫多兩個雞中翼好似比較方便。最好食都係燒豬頸肉,因為一來肉都幾新鮮,而且火候啱啱好每一件嘅肉都好稔,夠曬肥,加上面頭燒到少少焦令肉味更加岀。煙肉金菇一串有三條,每一條都係煙肉一小撮金菇,煙肉燒到d油岀曬所以好香,而且煙肉咸味燒完入曬金菇到,所以金菇都唔會淡。另外,黑松露野菌雞肉意粉,如果唔係自己一個去嘅話都一定要叫,因為唔單止份量好多一定夠飽肚之外,面頭你會見到有一湯匙嘅黑松露可以自己撈勻之外,意粉入面有好多
牛油金菇包,入面嘅金菇份量都幾多,而且比錫紙包住又燒到好熱。所以全部金菇都超軟熟,而入面嘅蒜蓉唔算太多,不過咁樣就反而食到金菇嘅香味,沾少少下面嘅汁,會更加好味。
牛柳串,入面筋嘅份量唔係好多所以令到啲肉都幾容易咬,而且出面燒到少少脆脆地,入面係啱啱好熟所以肉汁都冇流失,而且都幾稔。加上面頭有少少辣粉令到味道更加豐富。
雞中翼雞全翼表皮都燒到好脆,而且有少少鹹鹹地,加上入面嘅肉因為啱啱好熟所以好嫩滑,食雞全翼就比較麻煩少少因為好容易食到成咀都係,所以叫多兩個雞中翼好似比較方便。
最好食都係燒豬頸肉,因為一來肉都幾新鮮,而且火候啱啱好每一件嘅肉都好稔,夠曬肥,加上面頭燒到少少焦令肉味更加岀。
煙肉金菇一串有三條,每一條都係煙肉一小撮金菇,煙肉燒到d油岀曬所以好香,而且煙肉咸味燒完入曬金菇到,所以金菇都唔會淡。
另外,黑松露野菌雞肉意粉,如果唔係自己一個去嘅話都一定要叫,因為唔單止份量好多一定夠飽肚之外,面頭你會見到有一湯匙嘅黑松露可以自己撈勻之外,意粉入面有好多唔同嘅菇同埋雞肉,而且忌廉汁好香,令到每一條意粉都好掛汁同埋有黑松露。食到最尾都仲會剩返有好多菇同埋汁,兩個人以上share 會無咁膩。
佢後係芝士墨西哥薄餅,餅皮一啲都厚同好香脆,而且入面嘅芝士係爆曬出嚟,入面有好多三色蕉所以有少少辣辣地配埋細細舊雞肉都幾好食。一份有四個兩個人share都唔錯啱啱好。
最後食物質素都維持到,所以下次都可以再黎食。
張貼