御品千の味刺身壽司專門店 (海寶花園) (已結業)

御品千の味刺身壽司專門店（海寶花園）我又食千の味喇🤪有follow開我嘅朋友都會知道。食外賣壽司首選，我一定會揀千の味。估唔到自己鍾意到連食兩日都唔厭🤣🤣三色花之戀🍣$72，一如往常，三色花之戀係必點item，同樣地海膽鮮甜。魚籽爽脆，而且粒粒分明。蟹籽有一絲絲甜味，相當清脆。藍鰭吞拿魚赤身壽司🍣$40，質感較腍，魚味🐟🐟超濃。特大赤蝦壽司🍣$32，口感鮮嫩，而且蝦身🦐🦐色澤呈現艷麗。玉子壽司🥚🥚🍣（自家製）$15，呢度嘅玉子🥚壽司標榜係自家製。玉子🥚帶有少少甜味，但又唔會做到過甜。而且厚度十足。除咗壽司之外都點咗少少熟食🍱🍱🍱炸餃子$38🥟🥟（4件），外皮酥脆，咬落去聲音清脆，配搭簡單嘅餡料，再加上點少少醋。好好食。芝麻雞翼$38🐥🐥（2件），外脆內綿，咬落去仲保留到大量肉汁係內面。我已經連續兩日都食千の味喇🤪，真心佢真係keep到水準而且價錢公道。絕對係我首選嘅壽司店🥡🥡。