小漁村烤魚火鍋 (已結業)

環境幾寬敞，舖頭新裝修，所以都十分乾淨企理，食得安心。晚市放題分幾part😱睇見都覺得好多，好彩唔限時咁就可以慢慢食啦。第一道就係食海鮮盤，影完相就趁熱食👏🏻都幾新鮮，尤其是生蠔🦪好多蒜蓉鋪面，我最鍾意食蒜🤤第二度就係食烤魚，最正嘅係可以試唔同口味，我哋食咗青椒烤魚同埋酸菜魚都正😋第三度可以開始打邊爐，用返先前酸菜魚嘅湯底，可以去自助區自取配料，選擇都唔少，一定要拎生根，因為吸收晒啲湯底🤞好味道。另外如果想任食牛頸脊 ，只需要Like 同出Post去social media，就可以任食架喇 😜大家一定要記得問職員，唔好錯過呢個優惠。