低調高手大街小食

營業中

休息中

甚少踏足筲箕灣，一場光臨當然要盡量食多啲地道美食。搵到呢間得獎熱店，店名好似早有聽聞，於是晚飯特登留肚過嚟再食多轉正宗雞蛋仔原本想試黃金雞蛋仔，點知暫停咗，唯有食返原味。$17一底，價錢唔算貴，話哂坊間好多唔同味道嘅雞蛋仔都賣到二字頭。等咗唔夠10分鐘左右，攞上手冇乜熱辣辣嘅感覺，食落係非常脆，但係蛋味唔夠濃，咬開一睇，入面嘅蛋漿一半都冇，難怪唔夠香濃。雖然未去到排隊級數，但心諗都算外脆內軟，點知食到2/3開始冇得一粒粒好脆咁啪開，再食到底直頭變咗毛巾（已經企喺門口即食，前後未夠2分鐘），實在有啲失望。