東京築地拉麵 (已結業)

之前見呢間餐廳評價唔錯，抵食又有好食咁，就bookmark左要試。呢日終於都試到啦，不過有少少失望。特上大盛拉麵: 我地食得飽飽地所以打算叫個大盛拉麵加一個小食share啦，點知一上枱就呆左一呆。望一望隔離枱，佢地碗唔係大盛嘅拉麵同我地呢碗一樣大，原來大盛唔等於大碗的。拉麵嘅配料有兩件豬軟骨，一塊叉燒，半隻蛋，筍乾，豆芽同蔥。由麵至配料都係普普通通，雖然湯底都算濃郁，但整體完全冇驚喜。日皇炸雞: 新鮮炸起上枱熱辣辣，一共有4件都算大件嘅炸雞。炸雞反而做得唔錯，炸衣唔厚而且鬆脆，雞仲有少量肉汁唔會乾。而且仲有兩款醬汁，分別係韓式醬汁同芝麻醬，個人比較鍾意韓式，甜甜辣辣幾惹味。