經朋友介紹吓，原來喺銅鑼灣開咗一間新潮州菜。
呢個經濟困難的時候都夠膽開新餐廳，一定有返咁上下實力。
他們的餐牌由價錢、食物非常廣闊，走高檔路線，但係都可以平有平食貴有貴食。
在閑談間，餐廳職員告訴我，他們還在試業中。
金不換炒薄殼 $168
這款菜式是廚師推介，薄殼如果要喺屋企煮都幾嘥時間，梗係出街食啦，鑊氣夠，色香味俱全。
酥炸普寧豆腐 $128
熱騰騰的酥炸豆腐，浸落去特別調教的醬汁，食到停唔到口。
潮州粉果 $32 兩件
因為有朋友話唔想食，所以只係叫兩件
個皮好煙韌，餡料清新
韭黃煎鮮筍粿 $60 三隻
好鍾意個點心，個皮好煙韌仲有少少脆，筍絲鮮甜，正
普寧灌章 $45 三件
其實係腐皮芋頭卷
但係芋頭入口即溶，好滑，腐皮少少脆，唔會界到個口😂
蝦皮爆炒蘿蔔絲 $128
蝦皮、蘿蔔絲，收$128，好似有啲貴
用筷子一夾，蝦皮香氣撲鼻
係一放落口，不得了，蘿蔔絲炒至乾身爽脆
非一般廚師可以做到
糖醋兩面黃 $168
火候啱啱好，咬落去外脆內軟，加少少砂糖加少少醋，好好食。
唔似得外面，有啲會好多油成隻碟都係，或者得一邊脆。
返沙芋頭 $120 六件
師傅炒工非常了得，砂糖滿滿包着芋頭，絕對唔會甩頭甩骨，砂糖內加咗少少蔥調味，芋頭入口即溶
好滿足的一餐，仲有好多嘢未試😋😋😋
我一定會返嚟，等我😂
1
1
