明珠閣 (已結業)

年初一當然要揾間中式食肆食，感受下新年氣氛。呢間嘢一向多人排，見放假有時間就唻試。呢度都係供應啲大路嘅中式食品。叫咗雞絲粉皮，南乳豬手，叉燒王刈包，燒賣，瑤柱蛋白炒飯，幾樣大路嘢。燒賣間間茶樓都有，估唔到呢度嘅燒賣有驚喜，一粒燒賣內有兩件蝦仁，而且蝦仁彈牙入味。叉燒王刈包都唔錯，包皮薄帶點甜味，蜜汁叉燒王係半肥瘦嘅，口感好，又入味，但兩個包盛惠$48+10%,真心覺得貴。其他味道一般，未能令人留下印象，但呢度服務質素唔錯，待應有禮，會主動收拾食完嘅食品。