影片
更多
2021-08-17
384 瀏覽
平時冇寫開食評但係實在忍唔住要分享，fine dining 價錢，但服務、味道、創意都冇，只有環境係OK。💔消失的booking: 喺餐廳開張較早期，打算同朋友慶祝食生日飯，就提早兩個星期前打去訂咗枱。好彩食飯前幾日再打返去訂個雜錦壽司蛋糕，因為佢哋竟然話完全搵唔到我嘅Booking，係冇Book到嘅。💔冇酒牌硬收corkage: 我哋當晚去到餐廳，一心諗住叫À la carte （網上見到有），但係侍應話得Tasting Menu供應，同埋話未有酒牌無酒精供應。其實係咪訂枱時都可以提醒下？我同朋友唯有臨急臨忙去附近買酒到餐廳，一般未有酒牌嘅餐廳做法都唔會收corkage因為食客喺無選擇下要自備酒，但佢哋堅持要逐支收corkage。都算，買到番黎要三催四請先幫我哋開酒、添酒。全晚服務都好奇怪.. 侍應講解menu極混亂，講講吓嘢又走左去…💔食物好普通：全餐最好味係唔需要烹調嘅菜式，包括刺身（算新鮮但冇特別調味，如果話係donki貨都會信），同甜品哈密瓜拼軟雪糕😂其他食物highlight: 🍣壽司：啲飯唔似珍珠米，比較細長無乜調味，似平時食啲白飯多啲，雜錦壽司飯cake更加係雪到硬曬
💔消失的booking: 喺餐廳開張較早期，打算同朋友慶祝食生日飯，就提早兩個星期前打去訂咗枱。好彩食飯前幾日再打返去訂個雜錦壽司蛋糕，因為佢哋竟然話完全搵唔到我嘅Booking，係冇Book到嘅。
💔冇酒牌硬收corkage: 我哋當晚去到餐廳，一心諗住叫À la carte （網上見到有），但係侍應話得Tasting Menu供應，同埋話未有酒牌無酒精供應。其實係咪訂枱時都可以提醒下？我同朋友唯有臨急臨忙去附近買酒到餐廳，一般未有酒牌嘅餐廳做法都唔會收corkage因為食客喺無選擇下要自備酒，但佢哋堅持要逐支收corkage。都算，買到番黎要三催四請先幫我哋開酒、添酒。
全晚服務都好奇怪.. 侍應講解menu極混亂，講講吓嘢又走左去…
💔食物好普通：全餐最好味係唔需要烹調嘅菜式，包括刺身（算新鮮但冇特別調味，如果話係donki貨都會信），同甜品哈密瓜拼軟雪糕😂
其他食物highlight:
🍣壽司：啲飯唔似珍珠米，比較細長無乜調味，似平時食啲白飯多啲，雜錦壽司飯cake更加係雪到硬曬 ❄️
🍝 Alioli soba：超級鹹，食到一半想放棄，加上鹹味蓋過所有蕎麥味，唔識欣賞
🥩 US beef ribeye：肉質韌到又係食到一半想放棄
總括來講，食材還可以，但烹調完全未到位，所謂fusion只係分別有啲壽司，有啲用上日本食材嘅pasta，完全冇食到融入埋一齊嘅創意元素。頂多係中價餐廳質素，完全不值。中環食fine dining 嘅餐廳，真係最失望係今次 🥲🥲🥲
張貼