更多
2019-12-15
497 瀏覽
其實知道澳牛屹立咗好多年，聽過好多報導，一直都無食過。其實網上好多澳牛嘅傳聞，同聽友人講咗好多咩班伙記個個鐵漢柔情會對大肚婆格外好但又會兇啲客；又話要食得好快唔係就比人鬧嗰啲。老老實實我係帶住既期待但又戰兢嘅心情去食澳牛嘅。去之前一晚喺Openrice做足功課，睇咗幾個review，知條隊好長不過聽講好快會輪到；睇定咗menu知自己要叫乜；學識要食到一半先可以叫嘢飲，否則會因為張枱唔夠位擺唔落比人鬧、茶餐要揀scrambled定太陽蛋；要意粉定通心粉；三文治要唔要燙底；食超過十五分鐘會俾人眼神威脅等等。（其實平時去高級餐廳食貴價嘢之前做research因為驚出醜係有嘅，不過食平價嘢咁驚出醜都真係得澳牛先比倒我咁嘅挑戰性。）去到果然條隊好長，不過真係好快輪到。排隊期間見到個哥哥特別禮遇有細蚊仔嘅食客，讓其插隊，又真係幾鐵漢柔情❤️。其實真心唔覺得啲伙記哥哥惡、或者服務態度差吖。我入到去因為背囊比較大，有伙記親切地搬咗張凳比我擺背囊喺上面；而我，心情也逐漸被融化了。夾住啲er...um...都叫做喺能接受時間內落咗Order，成功解鎖喺澳牛落order無比人鬧嘅achievement，耶✌️。
其實網上好多澳牛嘅傳聞，同聽友人講咗好多咩班伙記個個鐵漢柔情會對大肚婆格外好但又會兇啲客；又話要食得好快唔係就比人鬧嗰啲。老老實實我係帶住既期待但又戰兢嘅心情去食澳牛嘅。
去之前一晚喺Openrice做足功課，睇咗幾個review，知條隊好長不過聽講好快會輪到；睇定咗menu知自己要叫乜；學識要食到一半先可以叫嘢飲，否則會因為張枱唔夠位擺唔落比人鬧、茶餐要揀scrambled定太陽蛋；要意粉定通心粉；三文治要唔要燙底；食超過十五分鐘會俾人眼神威脅等等。（其實平時去高級餐廳食貴價嘢之前做research因為驚出醜係有嘅，不過食平價嘢咁驚出醜都真係得澳牛先比倒我咁嘅挑戰性。）
去到果然條隊好長，不過真係好快輪到。排隊期間見到個哥哥特別禮遇有細蚊仔嘅食客，讓其插隊，又真係幾鐵漢柔情❤️。
其實真心唔覺得啲伙記哥哥惡、或者服務態度差吖。我入到去因為背囊比較大，有伙記親切地搬咗張凳比我擺背囊喺上面；而我，心情也逐漸被融化了。
夾住啲er...um...都叫做喺能接受時間內落咗Order，成功解鎖喺澳牛落order無比人鬧嘅achievement，耶✌️。
落完order其實都預咗個order會嚟得好快，點知，十秒！真係十秒！我個蛋腿三文治就出現喺我眼前，啲效率真係勁到無朋友。
期待已久嘅澳牛滑蛋就咁擺咗落個口度。嘩！我的媽呀！超級無敵勁爆好食呀！原來我之前一直無嚟係錯過咗咁好嘅嘢！都係一隻蛋啫，點解可以整得咁好食㗎？好鬼香之餘又滑，放喺口裡面直情感覺倒佢Sir落自己個胃度，就好似幫自己條食道落WD-40咁囉。
另外火腿都陪襯得個三文治好好，味道唔會好似煙肉咁搶，小小的鹹，喺個牛油三文治上面恰到好處。個叉燒通心粉選用嘅叉燒係半肥瘦嘅，所以有嚼頭同埋味道可以帶動略淡嘅通心粉。個人唔算通心粉粉絲，講真，通粉可以幾好食啫！咁，澳牛嘅通心粉比出面嗰啲好食少少囉。
跟餐奶茶個茶味濃，有澀味，幾港式。不過同行伴侶個咖啡就弱咗啲，無特色同唔太好飲。都唔緊要！因為之後追加嘅燉鮮奶彌補曬一切，我個味蕾又俾佢帶咗去世外桃源。勁滑之餘味道又香又濃，真係一流呀喂！而整體嚟講最值得注意就真係隻滑蛋。我好似真係未試過啲咁正咁滑嘅蛋呀媽咪！
唔知係咪最近少咗陸客嘅關係，我食過都超過半個鐘頭，無俾人趕、又無人話；仲食得好舒服添。（其實佢個份量好足，我之後因為食得太飽變咗food coma，呆咗兩粒鐘。）
15 瀏覽
0 讚好
0 留言
23 瀏覽
0 讚好
0 留言
張貼
