茶木‧台式休閒餐廳

今次叫咗菠蘿咕嚕肉飯、紅燒牛肉麵、凍嘅水果茶。之前好鍾意食嗰個芝麻醬撈麵，已經冇得賣啦！
菠蘿咕嚕肉飯入面有好多唔同嘅生果，例如菠蘿、士多啤梨、火龍果，感覺好似好健康。味道都唔錯，而且配餐嘅時候有得送甜品，佢有五款唔同嘅甜品，今次就揀咗佢嘅signature，其實係一個朱古力味嘅蛋糕，啲朱古力都幾好食味道唔錯。
紅燒牛肉麵都係一個經常叫選擇，其實個人本身麻麻哋鍾意食牛肉，不過茶木嘅牛肉比較淋，所以都可以食，佢嘅湯底同埋個面都真係幾好食。
當然唔少得凍嘅水果茶啦，入面真係好多水果，仲有一粒梅，令到成杯野好飲左好多，都係一個必飲嘅推介！