影片
更多
2020-03-26
388 瀏覽
今日識食朋友帶我去食好西，尖沙咀山林道經常去，但都係火鍋店較多，今次就去咗間高質西餐廳。點解未食就知高質？因為係由前四季酒店大厨主理，六星級酒店大廚，信心嘅保証。店員先捧上一堆麵包，有辣肉腸包、薄脆、提子包......全部麵包溫熱暖笠笠，仲有鹽味牛油、橄欖油、醋調味。辣肉腸包唔係夾住辣肉腸，但就有辣肉腸味，而且幾突出。薄脆蘸牛油香脆可口。前菜叫咗個【牛油慢煮龍蝦(半隻) 龍蝦泡沫 日本海膽】剝咗殻嘅龍蝦肉，好鮮爽，牛油慢煮出嚟食落滿滿油香，仲有龍蝦泡沫嘅鮮甜去提味，非常美味。日本海膽就鮮甜零異味，如果份量多啲就更加完美。【是日餐湯】係龍蝦湯，顏色係黃中帶少少橙色，同一般飲到偏啡紅色嘅唔同，幾特別。上面有櫻花蝦同香蔥調味。龍蝦味濃郁，鍾意飲龍蝦湯嘅我真係想成隻碗都”Lam”乾凈。【法國鵪鶉(半隻)釀伊比利黑毛豬火腿雜菌蓉半熟蛋】擺碟設計好有創意：碟面好似打爛豉油樽豉油四濺咁；鵪鶉蛋就分開咗兩半，一半喺隻鵪鶉入面，一半就喺脆條「築成」鳥巢入面；鵪鶉下面係一堆藜麥，鵪鶉肉好鮮嫩，上面有一層伊比利黑毛豬火腿雜菌蓉，幾特別，味道同鵪鶉肉幾夾。【慢煮36小時牛小排 烤焗牛骨髓 洋薏米 】慢煮出嚟嘅
店員先捧上一堆麵包，有辣肉腸包、薄脆、提子包......全部麵包溫熱暖笠笠，仲有鹽味牛油、橄欖油、醋調味。辣肉腸包唔係夾住辣肉腸，但就有辣肉腸味，而且幾突出。薄脆蘸牛油香脆可口。
前菜叫咗個【牛油慢煮龍蝦(半隻) 龍蝦泡沫 日本海膽】剝咗殻嘅龍蝦肉，好鮮爽，牛油慢煮出嚟食落滿滿油香，仲有龍蝦泡沫嘅鮮甜去提味，非常美味。日本海膽就鮮甜零異味，如果份量多啲就更加完美。
【是日餐湯】係龍蝦湯，顏色係黃中帶少少橙色，同一般飲到偏啡紅色嘅唔同，幾特別。上面有櫻花蝦同香蔥調味。龍蝦味濃郁，鍾意飲龍蝦湯嘅我真係想成隻碗都”Lam”乾凈。
【法國鵪鶉(半隻)釀伊比利黑毛豬火腿雜菌蓉半熟蛋】擺碟設計好有創意：碟面好似打爛豉油樽豉油四濺咁；鵪鶉蛋就分開咗兩半，一半喺隻鵪鶉入面，一半就喺脆條「築成」鳥巢入面；鵪鶉下面係一堆藜麥，鵪鶉肉好鮮嫩，上面有一層伊比利黑毛豬火腿雜菌蓉，幾特別，味道同鵪鶉肉幾夾。
【慢煮36小時牛小排 烤焗牛骨髓 洋薏米 】慢煮出嚟嘅牛小排肉色仲係粉嫩、口感軟腍，肉汁好豐富。下面有薏米，消水腫有益腸胃。西餐骨髓就第一次食，有少少炸蒜一齊食，幾特別。
【麵包布甸 焦糖白朱古力泡沫 香蕉雪糕】除咗正餐，甜品亦相當出色。賣相不錯。最出色係香蕉雪糕係真香蕉味，應該真係用香蕉肉做，好有心。麵包布甸吸咗啲溶咗少少嘅雪糕，雙重味道更加好食，下面有軟軟泡沫，用麵包布甸蘸嚟食又係另一種味道。
食材、味道、配搭都係一流、值得推介。
張貼
