330
44
76
等級4
2015-01-28 943 瀏覽
老老實實我……我諗好多人都係,年中真係食唔少放題同朋友聚會唔使煩呀嘛,好似咩都有得試咁,滿足各人口腹之慾:^P話說上月同朋友去旺角食放題,食完之後經過番兆萬見到原來有間新開既放題,就係呢間八幡屋當時就話不如下次就食佢啦!係就係食八幡屋啦,一齊食既就變左另一位好友因為聽佢講工作上有點不快,不外乎俾人老屈踩住上咁只係之前又開學又病,大家都冇見面傳說中食放題係可以轉運既,好似係今次一於就去試新野,順便吹下水XDDDD由於成個月冇食放題,呢篇會打得又長又詳,唔好打我;^3環境寬敞舒適,係門口望入去都見到唔同平時咁逼狹同埋行入去既時候,地板係唔會黏笠,乾爽潔淨可能因為訂左位,仲要係星期一平日時間當時店入面得幾枱客,而我地都可以坐得到卡位隔住大玻璃算係有少許街景,影相果陣可以放係窗邊唔怕有太多雜物餐單跟款式分顏色分點菜紙食物主要分前菜、壽司、刺身、手卷/軍艦/卷物、佐酒小食、燒物、天婦羅、炸物及日式料理呀!又點少得飲品以及甜品呢?同埋原來一月份係做緊優惠,任何時段都可以免費試佢既升級體驗本身每位加$40就可以任食佢升級既食品話哂差唔多成個月冇見,食貴少少都係一餐半餐姐!然後我地就多左張紫色既升級放
更多
老老實實我……我諗好多人都係,年中真係食唔少放題
同朋友聚會唔使煩呀嘛,好似咩都有得試咁,滿足各人口腹之慾:^P
話說上月同朋友去旺角食放題,食完之後經過番兆萬
見到原來有間新開既放題,就係呢間八幡屋
當時就話不如下次就食佢啦!
41 瀏覽
0 讚好
0 留言
13 瀏覽
0 讚好
0 留言
係就係食八幡屋啦,一齊食既就變左另一位好友
因為聽佢講工作上有點不快,不外乎俾人老屈踩住上咁
只係之前又開學又病,大家都冇見面
傳說中食放題係可以轉運既,好似係
今次一於就去試新野,順便吹下水XDDDD
由於成個月冇食放題,呢篇會打得又長又詳,唔好打我;^3
11 瀏覽
0 讚好
0 留言
22 瀏覽
0 讚好
0 留言
環境寬敞舒適,係門口望入去都見到唔同平時咁逼狹
同埋行入去既時候,地板係唔會黏笠,乾爽潔淨
可能因為訂左位,仲要係星期一平日時間
當時店入面得幾枱客,而我地都可以坐得到卡位
隔住大玻璃算係有少許街景,影相果陣可以放係窗邊唔怕有太多雜物
212 瀏覽
0 讚好
0 留言
餐單跟款式分顏色分點菜紙
食物主要分前菜、壽司刺身、手卷/軍艦/卷物、佐酒小食、燒物、天婦羅、炸物及日式料理
呀!又點少得飲品以及甜品呢?
同埋原來一月份係做緊優惠任何時段都可以免費試佢既升級體驗
本身每位加$40就可以任食升級既食品
話哂差唔多成個月冇見,食貴少少都係一餐半餐姐!
然後我地就多左張紫色既升級放題點菜紙
根據過往經驗,我地完全唔使商量就可以分工點菜XDDDDDDDDDDDDD
熱清酒
44 瀏覽
0 讚好
0 留言
熱清酒
32 瀏覽
0 讚好
0 留言
熱清酒竟然係可以任飲既,版都不例外
一見到個清酒瓶就諗起以前番過高檔日本餐廳(最後因太擔心打爛野就辭工,我呢啲粗人
拎上手真係熱到要忍住咁倒出黎,仲出哂煙添
清酒熱過後酒精稍稍揮發,入口不會過嗆
小呷一口,感覺還帶點甘甜味道!
我倆都認為佢地既來貨酒味平易近人,唔使話酒量極佳都可以小嚐
燒味醂河豚干
66 瀏覽
0 讚好
0 留言
燒味醂河豚干並非放題常見,都係升級先有
一見到個名我真係即刻填,同飲品紙一齊遞,剛剛好伴住飲清酒(Y)
烤過既微微焦香是個加成,原本煙韌富嚼勁既河豚干已經夠鮮香
鹹鹹甜甜既味醂調味感覺十分香口惹味,唔夠既點少少充滿奶滑感既美乃滋則更易入口
鵝肝多士
15 瀏覽
0 讚好
0 留言
鵝肝多士每日首50位客人就會獲贈,否則要加每件$20
我地今次就咁啱好試得到又唔使另加
鵝肝味道頗香濃,煎過加添焦香味,而其油份亦滲至多士內,油香滿溢
遺憾的是鵝肝有點太老,入口未夠細滑,有少許顆粒感
刺身
61 瀏覽
0 讚好
0 留言
刺身
44 瀏覽
0 讚好
0 留言
刺身係食放題冇理由唔嗌既一項!
有聞呢到既刺身係真係日日新鮮日日清,因為有做埋午市就應該會用得剛剛完
但係見到成一大盤擺放得咁精緻既刺身盤上枱……真係影相都影到爆記憶卡容量:^0!

當然佢普通刺身紙加埋升級既,大大話話約十五款,我就唔會樣樣講啦
普通版既刺身我覺得佢既希靈魚有少許唔同
佢好正常地係帶微酸,但呢度既版本感覺係紥實又脆爽,比平時食到既更是濕潤味鮮
劍魚腩
37 瀏覽
0 讚好
0 留言
劍魚腩亦是受我關注既一項
先前睇到新聞話有餐廳係將油魚冒充劍魚腩,搞到有食品安全隱憂
果篇新聞有教讀者分別油魚及劍魚,而我夾起既呢片可以睇到係帶淡淡粉紅色
入口亦是清香嫩爽,唔會過油過稔
我就真係唔係咩魚生刺身專家,只係諗起個報道,作為一般消費者咁跟住分下姐

下列只選評我地比較中意既升級版刺身
最近諗算試下好似人地咁影近鏡,但我手好震,柏金遜咁,大家忍耐下啦:^P
赤蝦刺身
36 瀏覽
0 讚好
0 留言
赤蝦刺身比佢地既甜蝦刺身大一半左右啦
重點係兩者都係有頭既XDDDD
赤蝦蝦肉晶瑩剔透,偏白身沒有發黃,當然是挑走了蝦腸
肉質稔嫩微爽,味道比想像中為清,也沒有異味
13 瀏覽
0 讚好
0 留言
珍寶帶子刺身真係夠珍寶,因為相中只係佢對半切開既大小
清甜非常,嫩身卻帶爽勁,感覺不錯
生蠔
20 瀏覽
0 讚好
0 留言
生蠔其實係放題黎講係少見
師傅費心思將生蠔調味,放入器皿,好等食客一口品嚐
我地都毫不客氣,把它乾了!!!!!
生蠔望落去係乾身,豈知是味鮮多汁,加上酸中帶果香既醋汁,開胃不膩
五行壽司
17 瀏覽
0 讚好
0 留言
五行壽司本身我地係冇既!因為之前睇錯以為佢個一月份優惠係會送埋
一問之下,係要四人或以上訂座先會送
隔離枱都係有類似情況,不過佢地就係問過生日優惠冇食物送,請店方多送五行壽司
上網見有食家影到好吸引咁,一向唔中意放題食飯既我地(唔抵呀嘛xd)都好想試
最後經理送上一排開五件創作卷物,金、木、水、火及土,既扇形碟,感謝

其實一睇就知,因為表面有食用金箔,閃閃下,賣相高貴
海膽加上拖羅,味道鮮美,配上芝麻及蔥花,卻是感覺清新
唯一不足既係芝麻份量太滿密,香係夠香,但食落就有少許乾身及粗糙

都係好明顯既,卷物周邊係圍上紫菜碎,深綠色感覺森系
上面既三文魚係輕輕炙燒過,半熟粉紅,油香甚重
胡麻醬香稠濃郁,少許酸味就令其感覺較清新

就真係唔多睇得明,食落就知因為中間夾左桃,水就係講緊水蜜桃
甜蝦碎清爽帶黏,嫩滑晶瑩
我最中意係佢個賣相,放番個蝦尾係度,明明白白講出係蝦肉,造型精緻得意

係火炙白色魚肉,焦香味重而不苦
外層好特別,沾滿類似天歸羅既炸皮,薄脆香口
只係講真,呢款係食一件就夠,唔係話難食,但外皮畢竟係炸粉,香脆既代價就係油膩

最頂層有丁點黑松露醬,但配以細份卷物,已經足夠
車厘茄味道清淡,唔會話太酸好怪咁
而帶子就好似剛才提到既帶子刺身,清甜嫩香

整體黎講佢地既五行壽司頗有創意,且食材配搭不過火
只係總有未夠盡善之處,希望佢地諗到方法改善吧

因為成篇文真係幾長,生冷食品就去到呢度先啦
熟食及甜品將會係下篇出現,請多支持XDDDDDDD
題外話/補充資料: 樓下好似有宣傳單張,係有折扣定唔知其他優惠 不過我地一早定好目標訂埋位,所以就冇點留意同理會,直接上去食啦XDDD
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食
人均消費
$218 (晚餐)
推介美食
熱清酒
熱清酒
燒味醂河豚干
刺身
刺身
劍魚腩
赤蝦刺身
  • 珍寶帶子刺身