貢茶 (已結業)

每次同朋友去旺角都會去輕鬆飲買杯珍珠奶茶飲，上兩星期日去到旺角見到輕鬆飲附近有新開既貢茶，一於試試呢間既珍珠奶茶先！看名稱當然係主打茶類系列，有不同茶款選擇，不過總括的款式比較少。買既時候有不少人排隊，好在唔駛等太耐就有得飲。拎上手杯是硬杯設計，拎得舒服些少。珍珠奶茶叫了半甜。仲有全糖、30%微糖、無糖既選擇，合適不同人既甜度需要。一飲落去，覺得奶茶既味道不錯的，甜味岩岩好，奶同茶份量都唔錯，同輕鬆飲既差唔多。而珍珠大粒而且又多，飲哂奶茶都未食完形珠。最敗筆的係味道飲左一大杯後變左，飲到落底既時候係完全只得苦味，同第一口飲既完全不同，這可能係飲品調得不好所致。另一個問題是水準不穩定既問題，我同同學共買左兩杯，但我同學個杯珍珠奶茶成杯都好苦。總括而言，價錢與輕鬆飲的珍珠奶茶一樣，份量亦差不多。但呢間店既水準同味道有待改善，所以暫時試一次使好了。不過亦有可以讚既係服務同衛生都唔錯。