Lady M (已結業)

兩個女人去食lunch，梗係要去返啲女人做主題嘅餐廳食嘢啦, 非 lady m 莫屬. 一直都知道 lady M係出名食蛋糕，食lunch 真係第一次，可能冇乜特別期望，點知十分有驚喜。而且價錢都好抵， 168包一個正餐、一個蛋糕給一杯咖啡。我要咗個茄汁意粉，茄汁唔會係食死實實嘅茄膏味道，而且麵條係10分但彈牙，絕對唔係 pre-cooked 有驚喜。朋友就叫咗黑松露味道嘅意粉，麵條係比較硬，好香嘅黑松露，流心雞蛋好香滑。淨係個造型都已經贏咗。伯爵茶千層蛋糕，呢個蛋糕都算係 lady M入邊最出名嘅一個系列. 絕對冇令我地失望, 每一口都好軟滑，之餘又有口感。芝士蛋糕，適合鍾意食甜嘅朋友，配合埋芝士嘅香味，鹹鹹甜甜咁幾好味。再加上一杯 cappucinno 同埋一杯 latte簡直係完美嘅句號。