嘉韻軒 (已結業)

嗌咗兩個外賣小菜:• 欖菜肉鬆四季豆• 魚香肉鬆茄子總共$130，包兩碗例湯6點半落單，苦苦等咗半個鐘，終於拎得，但比少咗兩個例湯😕🥵味道不過不失，但依個價錢+等候時間，我寧願去附近大排檔/連鎖快餐店食。當晚現場晚市人流唔多(40%滿)，外賣小菜都要等半小時，唔少等待外賣嘅食客等到q埋雙手😶當你問樓面，樓面話唔催得廚房，會錯單我諗依個場內分工合作，佢地內部自己解決啦，但斷唔能夠同食客表示我都愛莫能助，連做樣入去廚房問都欠奉🙄🙄🙄奉勸大家等得30分鐘先好嗌小菜130蚊2個常見小菜都要等半個鐘，我去對大排檔買都係15分鐘嘅事，頂得住肚餓先好買，食到一肚氣🤬🤬