大肚腩點心腸粉專門店 (已結業)

呢間大肚腩點心腸粉其實都已經開左好耐，不過好多時經過已經食飽飽。今日終於的起心肝去試一試。叫左幾款點心、腸粉同埋叫左個飯嚟試下。今次叫左帶子菜苗餃、芝士春卷、排骨飯同埋叉燒腸粉。帶子餃個樣都算幾靚，味道亦都唔錯，而且佢一籠係兩件，岩晒兩個人去食。芝士春卷感覺有少少油，加左芝士喺入面，夠熱但係油左少少，試下都無妨嘅！個排骨飯又幾好食wor, 好香，而且係熱辣辣岩岩好整起嘅，加埋點心兩個人食岩岩好。至於我最期待嘅叉燒腸粉反而覺覺得無咩特別，唔算特別出色。成餐飯我最欣賞嘅竟然係飯，菜苗餃都唔錯，佢仲有d特價點心套餐好似好抵食，下次可以再去試下其他野。