更多
2021-03-05
6353 瀏覽
繼2017年全球唯一一間既紐約店之外，全球第二間、同時係亞洲首間Tiffany Blue Box Cafe係2019年10月就坐落係香港尖沙咀既北京道黃金地段既商業大廈入面，位置就係係Tiffany香港旗艦店入面，朗廷酒店對面。-環境入面去見到餐廳外觀，就係一個Tiffany Blue顏色既Box，店鋪既玻璃外牆全部都係唔同程度既湖水藍色，加上恰到好處既透光程度，出面既人只可以隱約見到人影，係有適當私隱度之餘又透到日光，未食已經感受到環境滿分。餐廳分為兩部份，前部份係通透既玻璃外牆Tifdany box，後部份係入面間房，會有D似show room，個人覺得出面係靚好多，影相有日光自然易D靚D。隨左店鋪既玻璃外牆、店內既牆身、梳化、張枱既大理石紋、櫥窗入面既乒乓球拍之外，呢度既餐具、茶壺、一杯一碟都係招牌既藍白相間，可以話係視角上放題。而呢D餐具都係有得買不過價錢不菲， 一套係一杯加一碟，價錢係二千蚊。-預約以前只接受walk-in排隊，但呢家可以透過上網、電話預約到，但一間環境咁靚，afternoon tea味道又出名好食既CAFE相當唔易BOOK，知道左情人節有特別既afterno
繼2017年全球唯一一間既紐約店之外，全球第二間、同時係亞洲首間Tiffany Blue Box Cafe係2019年10月就坐落係香港尖沙咀既北京道黃金地段既商業大廈入面，位置就係係Tiffany香港旗艦店入面，朗廷酒店對面。
-
環境
入面去見到餐廳外觀，就係一個Tiffany Blue顏色既Box，店鋪既玻璃外牆全部都係唔同程度既湖水藍色，加上恰到好處既透光程度，出面既人只可以隱約見到人影，係有適當私隱度之餘又透到日光，未食已經感受到環境滿分。
餐廳分為兩部份，前部份係通透既玻璃外牆Tifdany box，後部份係入面間房，會有D似show room，個人覺得出面係靚好多，影相有日光自然易D靚D。
隨左店鋪既玻璃外牆、店內既牆身、梳化、張枱既大理石紋、櫥窗入面既乒乓球拍之外，呢度既餐具、茶壺、一杯一碟都係招牌既藍白相間，可以話係視角上放題。而呢D餐具都係有得買不過價錢不菲， 一套係一杯加一碟，價錢係二千蚊。
-
預約
以前只接受walk-in排隊，但呢家可以透過上網、電話預約到，但一間環境咁靚，afternoon tea味道又出名好食既CAFE相當唔易BOOK，知道左情人節有特別既afternoon tea set就即刻打電話預約，好好彩預約到，而預約後都好細心會有SMS confirm返個booking係book左幾點幾號。
-
🍰TIFFANY AFTERNOON TEA $688/2人份
VALENTINE'S DAY AFTERNOON TEA $788/2人份
VALENTINE‘S DAY AFTERNOON TEA
$788
146 瀏覽
1 讚好
0 留言
Afternoon tea供應時段分為兩轉，第一轉係下午2點到4點半，第二轉係4點半到7點，用餐時限90分鐘。
甜點有五款，鹹點有五款，仲有一個包點。
聽講呢一個 afternoon tea係研究左半年先推出，唔知大家食唔食到呢份tea既心機同細心呢，同埋我發覺不時入邊嘅菜式都會換下，可以遲啲食可能又唔係我依家咁多款嘅嘢食。
VALENTINE‘S DAY AFTERNOON TEA同平時既AFTERNOON TEA分別就係多一個情人節限定甜品，價錢以兩位起貴多100。
落左單之後大概5-10分鐘就上枱，速度算快，afternoon tea係用傳統既三層層架盛戴，之後就係漫長既影相時間。
-
🍵NO727 THE TIFFNAY BLEND $98
平時茶都係飲開earl grey，今次見到menu最貴既係有TIFFANY字眼既茶，叫 NO727 THE TIFFNAY BLEND，諗都無諗就叫左黎試。佢係加左薰衣草、雲呢嗱、玫瑰，雖然有咁多元素，但三者都無互搶味道，飲落去係花香同茶香味，味道係好fresh，好推薦一試呢個招牌茶。
-
鹹點
鹹點
$688
160 瀏覽
1 讚好
0 留言
鮮蝦銅鑼燒
係呢個銅鑼燒入邊包住北海道海膽、洋蔥、香芹、辣椒，上面就有魚子醬金箔做點綴。海膽食落冇腥味，銅鑼燒口感煙韌，魚子醬為個銅鑼燒帶少少鹹香味。
脆炸意大利飯⭐️
炸risotto波外表好似炸薯仔波，食落係有飯粒，口感外層酥脆但唔會覺得好厚，裡面啲飯仲熱辣辣，所以依個應該要係頭幾樣食先，凍咗就冇咁好食。內餡仲有辣肉腸、甜椒、意大利青瓜、水牛芝士，食落味道調和，好似食緊Pizza咁，口感同味道都好豐富。
黑毛豬火腿
係一個有水芹菜苗嘅蕃茄啫喱上面擺咗黑毛豬火腿，黑毛豬火腿咸咸香香幾好食，啫喱係用蕃茄嘅清湯整成，外表係晶瑩剔透，擺落口喺入口即溶，黑毛豬嘅鹹同蕃茄嘅酸味道交集。
松葉蟹肉卷
將松葉蟹肉、青檸、青蘋果、西柚醬用意大利青瓜包住，青瓜食落好爽脆亦都好清新，一絲絲嘅蟹肉好鮮甜，青檸將酸味帶入去蟹肉，非常滋味。
龍蝦包⭐️
個包係脆脆地，略乾，紅洋蔥、香蔥同蜜糖蛋黃醬配搭得宜，同龍蝦肉都好夾，將龍蝦包濃縮做一個一啖可以食到嘅大細，所以食完完全唔覺得膩。
-
包點
包點份量係兩個鬆餅加一個唔算大既瑪德蓮，我覺得岩岩好，份量唔會食到好濟。
包點
$688
121 瀏覽
1 讚好
0 留言
1️⃣煙肉芝士鬆餅 ⭐️
煙肉芝士鬆餅
$688
108 瀏覽
1 讚好
0 留言
成個Tea Set最鍾意、最有驚喜就係呢個煙肉芝士鬆餅，平時食開既鬆餅都係甜既，或者好需要靠醬、CREAM帶出味道，今次呢個係一個鹹既鬆餅，切落去個陣睇落係粉狀，但一入口奶油味好重，口感係外脆內軟，入面好濕潤唔乾，煙肉同芝士非常之夾，而係鬆餅上面既紅苺碎完全起左畫龍點睛既作用，食落係極為FRESH，無諗過鹹既餅可以咁好食。
鬆餅醬
$688
90 瀏覽
1 讚好
0 留言
鬆餅有配CLOTTED CREAM、楓糖漿同番茄果醬，但我覺得唔需要落任何野已經好好食，因為佢本身已經夠濕潤，CLOTTED CREAM同D醬就無咩特別，正常發揮。
焦化牛油瑪德蓮、柚子瑪德蓮
瑪德蓮有兩種味道，分別係焦化牛油同柚子味，牛油味好香，如柚子味就帶少少甜味，口感內層非常酥軟，出邊就有少少香脆，大小適中食完唔會覺得滯，柚子味會比較FRESH。
-
甜點
甜點
$688
182 瀏覽
1 讚好
0 留言
迷利BLUE BOX⭐️
迷利BLUE BOX
$688
78 瀏覽
2 讚好
0 留言
其中一樣最鍾意既甜點就係呢個迷你版Tiffany Blue Box ，外層既白色緞帶係白朱古力，切開個box，見到藍色既荔枝慕絲包住有淡淡玫瑰花香既士多啤梨啫喱，下面係士多啤梨蛋糕，底層係口感脆脆嘅雲呢拿曲奇，咬落去所有嘢都好調和，口感非常豐富，有濕潤嘅慕絲同啫喱，加上實嘅蛋糕同脆嘅曲奇底，係味道同視覺上嘅享受。
黑加侖子藍莓慕斯⭐️
黑加侖子藍莓慕斯
$688
129 瀏覽
2 讚好
0 留言
甜點另外一樣最鍾意就係呢個慕斯，分別係新鮮藍莓、乳酪慕絲、加上黑加倫子醬同朱古力曲奇，整成一粒車厘子既外形，外表已經係滿分，味道食落好似食緊雪糕咁，口感係多重享受，如果多小小果肉就更加完美。
鳥巢朱古力蛋
鳥巢朱古力蛋係紐約分店既標誌性甜品，鳥蛋其實係棉花糖朱古力，咬落去幾煙韌，糖衣又唔會話太甜。鳥巢反而比朱古力蛋更出色，咬落非肖脫而且好乾身，但又唔會有炸完擺得好耐既苦味，幾爽脆。
白桃奶凍
淡淡粉紅色既係白桃果蓉，配上葡萄紅茶酵素啫喱，口感幼滑滑溜，食落提子味好出，提子味同白桃味好夾唔會互搶，甜甜酸酸咁，食落清涼又唔太甜，可以中和一下膩既感覺。
紐約芝士蛋糕
聞到少少玉桂味，蛋糕口感鬆軟，芝士就好香滑，一啖可以食晒所以唔會覺得好膩，上面果塊Tiffany朱古力就正常發揮。
-
特別甜品
情人節限定甜品⭐️
情人節限定甜品
$788
77 瀏覽
1 讚好
0 留言
呢份就係情人節限定甜品，外表係一對心型嘅盒，白色既係雲呢拿戚風蛋糕，上層係蘋果慕絲白朱古力脆片，中間夾住香檳啫喱同;而藍色既係碟豆花戚風蛋糕，上層同樣係係蘋果慕絲，中間夾住香檳啫喱同榛子朱古力脆片，碟上仲有乳酪脆粒，感覺係食緊另一個味道既迷利BLUE BOX，但blue box係慕絲為主較濕潤，呢個就係慕絲同蛋糕中間加啲脆既口感，總括嚟講係好食，情人節同情侶羅住影相為呢個tea做好好嘅結尾。
-
總結
以下午餐既價錢黎講，呢度確實唔平，香港最貴既應該係Rosewood，之後就係呢度，但即使咁貴我都覺得係值得，隨左環境咁靚咁適合打卡之外，野食都係令人難忘，尤其係煙肉芝士鬆餅，鹹點大部份都好出色，甜品嘅部分就正常，最鍾意就係mini blue box同黑加倫子藍莓慕絲，令我驚喜嘅係原來慕絲可以咁好食又唔會太甜，而且瑪德蓮比起出邊好食，因為格外鬆軟又唔會油。
隨左AFTERNOON TEA，呢度由朝早8點到2點有BRUNCH提供，價錢大概係200左右。仲有全日供應既餐，兩個COURSE 358，如果加多個甜品變3個COURSE就458，都可以每樣單點。
張貼
