身為豆乳控，終於來朝聖人氣爆燈既「豆乳狂人」！近期仲新出左泰奶系列！
泰奶芋圓豆花
泰奶系列誠意十足，超多配料！面頭係鹹香奶蓋，奶香醇厚；豆花超級滑嫩，帶淡淡豆香，完美中和咗泰奶嘅甜膩感。煙韌嘅芋圓、仲另附焦糖脆脆撒上面頭，撈埋一齊食，口感超豐富！
鮮芋泥豆花
呢碗簡直係為芋頭控而設！誠意十足！底層滿滿綿密鮮芋泥，將芋泥同豆花徹底攪勻，每一啖都係幸福嘅味道～ 豆花嘅清爽更加突出咗芋泥嘅醇厚，甜度剛好，食完成碗都唔會覺得膩。
抹茶豆乳
🍵 濃郁嘅抹茶甘香同豆乳嘅順滑出奇地夾，兩者味道平衡得好好。抹茶嘅微苦回甘，配上豆乳嘅清甜，口感醇厚得來好清爽，完全冇負擔。健康又好飲。
