燒味大王 (已結業)

自從疫情緩和，之後好耐冇買外賣返屋企食，成日揸車經過見到土瓜灣有好多燒味舖頭，但次次經過燒味大王都覺得特別光猛同埋乾淨，同埋掛喺門口啲燒味唔會好似其他鋪無咩光澤食慾大減，好耐冇買過外賣返屋企，今日決定斬料加餸！見到做緊優惠買一斤叉燒加一蚊送一隻沙彊雞，同師傅叫咗要半肥瘦叉燒另外加一蚊要沙彊雞燒味半肥瘦適中，咬落去軟林林比出邊所謂啲黑毛豬還要好食，仲要一啲都唔乾！正沙薑雞又係值得一讚好夠味，裏面肉質非常幼嫩，唔會有好乾嘅感覺，仲有唔會好似其他燒味舖血淋淋影響食慾，總括嚟講所有都好好食，下次會再試其他燒味