十八座狗仔粉

營業中

休息中

今晚吾知食咩好，2個呆呆諗，最後決定去左食十八座狗仔粉，今日大約9點多到都滿晒人，企左大約10分鐘就入去，坐就超迫，背貼背食，所以只可食左大約大半小時就離開。結帳：＄99都抵食的！～但個人感覺上好似佐敦好味一點。但以幾間分店黎講，味道控制度都不錯。香辣魚蛋＄10：份量都多，仲有蔥添，好驚喜！～辣度都夠有回味，但魚蛋偏淋，如果有彈口就更好。炸4款丸和下脾＄13，＄22：炸丸其實就普通，點知黎到覺得吾太油同脆，味道吾錯！墨魚丸就最好味道，有好多墨魚丸肉在內。上脾實在太好賣了，只有下脾選擇，平8蚊但肉偏少但幸好都好香同鴨肉嫩仲有2口碗仔翅添。狗仔粉＄27：有辣同吾辣菜浦選擇，食得辣的我們當然加辣，份量都多，但油渣偏少，湯汁好濃同香口。令我諗起舊時細個食的粉仔，但狗仔粉就偏少配料同冇粉仔咁香，比較少蝦米乾。之後原來可以加油渣，可以下次去試下！！火鴨碗仔翅＄27：今次比較杰身，有少少類似粉絲超入味，好多火鴨和木耳係入面。勁濃味而吾咸，食完都飽左一半，堅必食之選。