2
0
0
等級2
13
2
2020-05-09 459 瀏覽
西營盤福壽里可謂旺中帶靜嘅住宅區,雖然以民居為主,但仍有唔少餐廳座落係呢區,人流不絕。而呢間新開數月,融合法國同印度飲食嘅Pondi都唔例外,好彩前一晚已用WhatsApp訂座,企左係門口一陣,就有幾群客人一齊等入座。 餐廳裝修講究氣氛,採用黃燈和以營造浪漫同舒適氣息,設有戶外同室內座位供客人選擇,而樓上座位亦可容納更多客人。戶外木椅餐桌配上被植物圍繞嘅籬笆帶有歐式鄉村風格,令人感覺休閒放鬆。天氣較熱,都係選擇室內位置涼冷氣🤓望返出餐廳,更清楚見到整個露天陽台,讓客人係可以坐係陽台到等入座。坐係廚房同酒吧檯隔離,經常都聞到食物嘅香氣,企高可以望住廚師準備食物,如果坐係酒吧檯絕對係一種享受😎食物數量同一貫小餐館一樣,貴精不貴多,但各種肉類都有供應而且價錢唔貴。酒類選擇多,可以向店員查詢,佢地都好樂意慢慢推介岩你嘅酒👍🏻🥢Baby Calamari  $150  🔥推介🔥Calamari塞滿意式煙肉同豬肉碎,意式煙肉切粒,質感柔軟味帶鹹香,而芹菜嘅清新又可中和煙肉嘅鹹味,同時加入西班牙酒Fino Sherry嘅湯汁帶甜有酒香,蜆肉吸滿湯汁夠鮮味!烤餅($35)帶有少少椰子甜味用
更多
西營盤福壽里可謂旺中帶靜嘅住宅區,雖然以民居為主,但仍有唔少餐廳座落係呢區,人流不絕。而呢間新開數月,融合法國同印度飲食嘅Pondi都唔例外,好彩前一晚已用WhatsApp訂座,企左係門口一陣,就有幾群客人一齊等入座。
 
29 瀏覽
1 讚好
0 留言
餐廳裝修講究氣氛,採用黃燈和以營造浪漫同舒適氣息,設有戶外同室內座位供客人選擇,而樓上座位亦可容納更多客人。戶外木椅餐桌配上被植物圍繞嘅籬笆帶有歐式鄉村風格,令人感覺休閒放鬆。

15 瀏覽
0 讚好
0 留言
天氣較熱,都係選擇室內位置涼冷氣🤓望返出餐廳,更清楚見到整個露天陽台,讓客人係可以坐係陽台到等入座。
19 瀏覽
1 讚好
0 留言
坐係廚房同酒吧檯隔離,經常都聞到食物嘅香氣,企高可以望住廚師準備食物,如果坐係酒吧檯絕對係一種享受😎

17 瀏覽
0 讚好
0 留言
食物數量同一貫小餐館一樣,貴精不貴多,但各種肉類都有供應而且價錢唔貴。

10 瀏覽
0 讚好
0 留言
8 瀏覽
0 讚好
0 留言
酒類選擇多,可以向店員查詢,佢地都好樂意慢慢推介岩你嘅酒👍🏻

🥢Baby Calamari  $150  🔥推介🔥
Baby Calamari
$150
6 瀏覽
1 讚好
0 留言
Calamari塞滿意式煙肉同豬肉碎,意式煙肉切粒,質感柔軟味帶鹹香,而芹菜嘅清新又可中和煙肉嘅鹹味,同時加入西班牙酒Fino Sherry嘅湯汁帶甜有酒香,蜆肉吸滿湯汁夠鮮味!烤餅($35)帶有少少椰子甜味用嚟配鹹鮮嘅湯汁一流!整道菜嘅配搭好用心,食落口感好豐富,一道菜就食到唔同嘅味道,絕對係唔可以錯過🤤

🥢ÉTOUFFÉE $198 
ÉTOUFFÉE
$198
6 瀏覽
1 讚好
0 留言
其實睇Menu唔明係一道咩菜,所以就問店員,佢簡單介紹有三款海鮮同味道,我地就叫咗嚟試。有炸軟殻蟹,大蝦同魚,感覺上就係雜錦海鮮,再配有一小杯龍蝦湯加羅勒希臘乳酪醬脆片。雖然用料好新鮮,但仍有加入茴香避除海鮮腥味。龍蝦湯用料十足好濃味,店員話可以就咁飲,或者用嚟蘸蝦食。大蝦先烤過,蝦肉一半拆出用龍蝦汁再煮,蝦嘅香氣濃郁,肉質彈牙!鱈魚扒魚皮有先煎香,肉質保持鮮嫩Juicy。但敗筆係軟殻蟹懷疑係調味粉過多,所以食落好苦,亦唔香脆😕

🥢Air-dried lamb loin $225 🔥推介🔥
Air-dried lamb loin
$225
6 瀏覽
1 讚好
0 留言

羊排上碟前已經分開骨同肉,羊皮煎得好香脆,直頭聞到有炭香味,但肉仍然係好嫩。羊排加入黑孜然味道會較重,所以配有清新嘅薄荷醬又用上帶酸甜石榴粒,令羊排味道唔會過於單一😋 既香濃又清新酸甜,又係一道沖擊味蕾體驗嘅菜,必食🤩

🥢SMOKED PORK BELLY "OPEN" DUMPLINGS  $150
SMOKED PORK BELLY "OPEN" DUMPLINGS
$150
8 瀏覽
1 讚好
0 留言

雖然寫要兩日前預約,但都係臨時叫就有。Open Dumplings其實係外層一塊皮包著豬腩肉,係皮上開一個窿,就係OPEN咁解。餃子底下係酸南瓜蓉,而面頭係薑味乳酪醬同韭蔥絲。雖然韭蔥鮮甜而酸味開胃,但肉質實在太厚實,食到好飽。呢個菜算係咁多個之中較平實嘅,但實在係之前果啲太出色所以令佢有啲遜色🤣
甜品
6 瀏覽
1 讚好
0 留言
由於係生日飯,所以叫餐廳準備咗個甜品,上檯前已經插上蠟燭。底部由多種水果粒同餅碎堆成,水果好鮮甜,中間係加入大量冧酒嘅cream,酒味極重,另外都插左啲焦糖脆片。

絕對係好難忘嘅一餐,係到食嘅野係出面從未食過,佢地好識運用各種香料同配料去組合一道菜,而店員都好熱情,各方面都唔會令你失望嘅一間餐廳。推介👍🏻
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2020-05-06
等候時間
5 分鐘 (堂食)
人均消費
$300 (晚餐)
慶祝紀念
生日
推介美食
Baby Calamari
$ 150
ÉTOUFFÉE
$ 198
Air-dried lamb loin
$ 225
甜品