米走雞 (太子藍馬之城)

營業中

休息中

今次黎到打邊爐，由於朋友好想食芝士雞煲，所以搵黎依間食。依間火鍋店唔止有芝士雞煲，仲有火焰雞煲同其他傳統火鍋湯底選擇。芝士雞煲是不辣，所以適合不能食辣的朋友仔。芝士味濃郁，而且好多，雞件大件。食落去，唔會有碎骨在內。店員會好細心，定期行過黎睇下會唔會燶。另外，會提我地由面食起，避免芝士跌落鍋底而燶。估唔到，食芝士雞煲都有講究。火鍋配料依到火鍋配料可以選擇半分或大分，適合兩位或多人選擇。五拼餃可以每樣味都試少少，餃子皮唔算好厚，餡料豐富，食落好滿足。竹笙墨魚滑夠特別。本身竹笙食落去，係少少爽，但配合埋墨魚滑，又有彈牙的感覺。雪花肥牛絕對有驚喜，因為分量唔少。而且肥瘦均勻，牛味都算濃郁。