李家 (海壩街)

營業中

休息中

李家炸雞係喺啱啱流行食炸雞嘅時候，就已經嚟到香港，可以話係香港嘅韓國菜老字號，炸雞店由韓國人主理，炸雞和其他韓式料理味道正宗。曾經已經係尖沙咀店食過，今次再係荃灣店試試。同店員點完菜，就馬上送上椰菜沙律、醃蘿蔔，好有家嘅感覺，炸雞未嚟都差唔多比我食哂！豬肉泡菜湯 湯鍋好豐富，有泡菜、豬肉、金菇、豆腐，湯底味道濃郁，泡菜份量夠哂多，仲越食越辣添，辣得好過癮！芝士雞蛋卷 芝士蛋卷質感鬆軟、大大份好夠飽肚，而且賣相好吸引，面層吱滿晒茄汁、芥末醬，我就最鍾意蛋卷沾茄汁，啱哂我口味。原味炸雞 個人喜歡有骨炸雞，可以食到原汁原味，炸雞即叫即製，上檯時仍熱辣辣，雞皮脆身香口、雞肉嫩滑，食落啖啖肉。外層炸粉厚度剛剛好，炸皮香脆而不油膩，原祖炸雞的確有水準。