更多
2013-08-24
448 瀏覽
妨是成兩年無寫食譜了,今次再執筆,主要係家人常去這小店食飯,食吓食吓,這裡便做左家人的飯堂家人說這店是兩母子經營,即係老細輝哥和輝媽喇.今天我放工抽到時間,山長水遠由九龍入去元朗就係為左支持家人常常口中讚不絶口的小店.炒蜆套餐:真係很少食店會咁做.38蚊個炒蜆,加多8蚊就有埋白飯和凍檸茶.蜆的貨式雖然只是一般,但穫氣和配料很足,味道就好好,不過46蚊有得食個套餐,感覺上係超值.五香肉丁炒飯: 必食炒得夠乾身,很有穫氣,唔會油笠笠個吓好,飯粒幼細,好味道呀.油菜:10蚊碟,份量足,合理,多菜少肉的生活才健康,食條正菜.炸魷魚鬚:必食,係見到隔離枱上左一碟,睇到口水流先再叫的,有期待又無失望,好味呀.輝媽話炸魷魚鬚上脆漿係要用到冰水做,所以需要耐心等候.今日食過此店,個人認為輝哥至拿手係小炒,輝媽至叻係炸魷魚鬚,食到我咀lam lam.元朗區食店咁多,馬田路和怡豐花園呢個位置都有小小入,不是家人推介,我想我都一定唔會識來.店內的裝飾都幾得意,因為夾雜左媽媽和亞仔的摯愛,大家去食時,不妨和他們吹吓水,看邊D嘢係歸邊個.輝哥和輝媽都係易相處的人,佢話來呢度食嘢當屋企咁就得囉.店內的一些模型是輝
妨是成兩年無寫食譜了,今次再執筆,主要係家人常去這小店食飯,食吓食吓,這裡便做左家人的飯堂家人說這店是兩母子經營,即係老細輝哥和輝媽喇.今天我放工抽到時間,山長水遠由九龍入去元朗就係為左支持家人常常口中讚不絶口的小店.
炒蜆套餐:真係很少食店會咁做.38蚊個炒蜆,加多8蚊就有埋白飯和凍檸茶.蜆的貨式雖然只是一般,但穫氣和配料很足,味道就好好,不過46蚊有得食個套餐,感覺上係超值.
五香肉丁炒飯: 必食炒得夠乾身,很有穫氣,唔會油笠笠個吓好,飯粒幼細,好味道呀.
油菜:10蚊碟,份量足,合理,多菜少肉的生活才健康,食條正菜.
炸魷魚鬚:必食,係見到隔離枱上左一碟,睇到口水流先再叫的,有期待又無失望,好味呀.
輝媽話炸魷魚鬚上脆漿係要用到冰水做,所以需要耐心等候.
今日食過此店,個人認為輝哥至拿手係小炒,輝媽至叻係炸魷魚鬚,食到我咀lam lam.
元朗區食店咁多,馬田路和怡豐花園呢個位置都有小小入,不是家人推介,我想我都一定唔會識來.
店內的裝飾都幾得意,因為夾雜左媽媽和亞仔的摯愛,大家去食時,不妨和他們吹吓水,看邊D嘢係歸邊個.
輝哥和輝媽都係易相處的人,佢話來呢度食嘢當屋企咁就得囉.
店內的一些模型是輝哥一手一腳做架,大家不妨欣賞一吓,模型很靚呢.以食物的收費來說,呢度算係超值,因家人都會睇餸食飯,唔會食太貴價的,所以呢度算係物超所值.大家不妨支持一家這個母子檔的小店.記得食香口嘢,見枱枱也叫,炸魷魚鬚,炸雞翼,確實好味好味
因係小店經營,人手唔係多,大家叫左食物,要預小小時間等候呢.不過兩母子很隨和,十分NICE值得一讚
張貼
