更多
2018-01-26
1682 瀏覽
去到元朗Yoho Mall附近有一間新開嘅店,啱晒而家凍冰冰可以去打邊爐!一入到去被佢宮庭式嘅設計吸引着,裏面嘅裝修同埋擺設全部用彷木造,我哋坐咗係卡位。3個人開始開餐。見到張點菜單我都嚇咗一下,全部都係一啲俗語,但係我哋會會心微笑。有一個叫做「飽暖思牛肉」,感覺就好似飽暖思淫慾咁嘅意思,真係笑爆咀。佢哋個店主都話佢哋嘅主打係牛肉呢!由於有一個朋友未到,我哋先打住嗰啲易熟嘅邊爐配料,分別係竹笙淮山同響鈴,個響鈴同我哋平時食嘅好唔同,因為今次呢一款係用鹹蛋去做夾心,職員話佢哋嘅響鈴係佢哋親手店裏面自己親手打造。食落去嘅時候特別鬆脆!我好欣賞佢嘅蛋黃,鹹鹹地咁,佢嘅質感令人增加左口感,雖然我朋友就話佢喊得濟而且有啲熱氣,但係我覺得佢拿捏得啱啱好,放入滾湯裏邊煮20秒就可以食。之後我哋叫咗啲沙蜆價值$68,大概都有20隻,放左落去火鍋爐嘅中間,咁就可以清楚啲見到佢哋幾時打開個口,就可以食得啦。要讚一讚佢哋嘅花膠雞湯,佢哋嘅店員會好細心幫我地將花膠剪開,放入湯裏面煮,大概5分鐘我哋就可以食啦。啲花膠煮得好腍,有啲似啫哩狀,而且雞油和花膠滲出來的骨膠原配合,整個湯底變得有點杰身,諗起都覺得好補。
一入到去被佢宮庭式嘅設計吸引着,裏面嘅裝修同埋擺設全部用彷木造,我哋坐咗係卡位。3個人開始開餐。
見到張點菜單我都嚇咗一下,全部都係一啲俗語,但係我哋會會心微笑。有一個叫做「飽暖思牛肉」,感覺就好似飽暖思淫慾咁嘅意思,真係笑爆咀。佢哋個店主都話佢哋嘅主打係牛肉呢!
由於有一個朋友未到,我哋先打住嗰啲易熟嘅邊爐配料,分別係竹笙淮山同響鈴,個響鈴同我哋平時食嘅好唔同,因為今次呢一款係用鹹蛋去做夾心,職員話佢哋嘅響鈴係佢哋親手店裏面自己親手打造。食落去嘅時候特別鬆脆!我好欣賞佢嘅蛋黃,鹹鹹地咁,佢嘅質感令人增加左口感,雖然我朋友就話佢喊得濟而且有啲熱氣,但係我覺得佢拿捏得啱啱好,放入滾湯裏邊煮20秒就可以食。
之後我哋叫咗啲沙蜆價值$68,大概都有20隻,放左落去火鍋爐嘅中間,咁就可以清楚啲見到佢哋幾時打開個口,就可以食得啦。
要讚一讚佢哋嘅花膠雞湯,佢哋嘅店員會好細心幫我地將花膠剪開,放入湯裏面煮,大概5分鐘我哋就可以食啦。啲花膠煮得好腍,有啲似啫哩狀,而且雞油和花膠滲出來的骨膠原配合,整個湯底變得有點杰身,諗起都覺得好補。
最後不得個牛肉,我哋叫咗骰仔牛肉粒,牛肉粒我哋鍾意煮熟啲,所以將佢放湯到2分鐘至3分鐘左右,每一粒牛肉粒都有啲筋腱位,佢哋呢啲位置最容易將湯嘅精華吸入去。當我地放落口嘅時候,湯嘅精華同埋牛味亦都深深咁樣滲入口齒中,非常和味。
結帳時每人300多元,價錢中上但吃到的質素頗高。
張貼