百樂潮州酒樓 (已結業)

又去元朗覓食既夜晚，同阿爸阿媽去食飯，都係去試中菜，屯門元朗比較少高級潮州菜，形點終於滿足了我地既需求星期二晚，人客不多，不用等位，潮州菜，少不了滷水，今晚叫左滷水鵝腸并鵝件，鵝腸爽口，無肥膏，唔會醃到無味，亦無用梳地粉（那）到無味，非常鮮味鵝件，肉爽口，有咬口，非常鮮味係近幾年係香港食過最好既鵝肉，但舖底既豆腐就唔夠味，少許失望再點了一個菊花石榴雞，呢個係成晚我最想食，但亦係令我最失望，味道尚可，但外皮太乾，沒有同芡汁同入面既餡料溶為一體，20年前第一次食，就愛上，20年間到而家都食唔返個個味檸檬燉鴨，妹味唔太酸，又有鴨味，最出色係湯料隻鴨燉完湯仲有好香鴨味魚方便，無食凍魚，整左個咸菜蒜子炆白鱔，完全潮州口味，鱔夠鮮甜，有咬口，湯汁加了胡椒，刺激味蕾，芹菜同葱吸收了魚汁，非常惹味，美中不足係咸菜太咸，如果改用自家製咸菜少咸帶點少甜酸就更好因為女朋友不食芥菜，點了豆苗，水準一般，不夠嫩口可能今年未夠凍，豆苗仲未到最好既時候糖醋麵，上菜慢左啲，吹了第三次先黎，但麵剪得好香，表面香脆，下面暖錦，但有一個敗筆，個醋樽有問題，一係倒唔到，一係倒好多，呢個需要改善潮州菜少不了工夫茶，所謂水滾茶靚