今日同朋友專登過嚟元朗形點呢邊，試吓呢間人氣超高嘅莆田！果然係米芝蓮一星餐廳，晚市全場爆滿，好彩我一早打嚟訂定位～服務真係好好，店員笑容滿面，好細心又周到，值得一讚！
餐廳主打新加坡風味福建菜，堅持用新鮮同優質食材，保留傳統閩菜原汁原味。必試招牌菜包括興化炒米粉同百秒黃花魚，今次我哋試咗幾款熱門菜，真係款款有驚喜！
//黑金蒜燒鰻魚 一上枱已經聞到超香蒜味～鰻魚肉質肥美又唔腥，配上黑金蒜醬汁濃郁惹味，視覺同味覺都滿分！
//酒香竹筒蝦 賣相好特別，用竹筒裝住大蝦，蝦肉爽口彈牙，帶淡淡酒香，個湯我飲到一滴都冇剩！
//百秒黃花魚 果然係名不虛傳！魚肉超級嫩滑，蒸得剛剛好，鮮味十足，簡單而美味。
香煎走地雞（半隻） 雞皮煎得香脆，肉質仍然保持嫩滑，唔會好油膩，好味！
//興化炒米粉： 炒得夠乾身，米粉口感細滑，配料豐富，鑊氣十足～
整體嚟講，每道菜都做得精緻有特色，份量足夠又唔會過鹹，仲有唔少地道特產同優惠。已經約定朋友下次再嚟試其他招牌菜～絕對係高質福建菜之選！
餐廳： 莆田 PUTIEN（形點 I 分店） 地址：香港元朗朗日路9號形點 I L2樓2040號舖
小貼士： 餐廳人氣極高，建議預先訂座
周末更加容易滿座！
