德國餐廳 (已結業)

元朗最新開了間德國餐廳，在水邊圍村附近，我同男朋友都住元朗，當然要黎試試啦。元朗的德國餐廳比較少，我也少食德國菜，所以今次專登黎食豬手。7點入到去，平日而且仲早所以唔算多人，環境光猛整潔，而且佈置有心思，樓底高有吊扇，座位都舒適。食豬手當然要飲啤酒啦，呢到有好多種啤酒揀，不過我對啤酒冇乜研究門口附近可以睇到咸豬手的爐，見到都流口水。我地點左德國咸豬手配酸菜及薯仔沙律$175, 豬手真係冇得頂，豬皮脆口得黎又帶點煙韌，豬手肉好嫩滑，而酸菜同薯仔沙律好開胃，減低食豬手的肥膩感覺，一食就停唔到口。男友點的啤酒$58，好大杯呀!墨西哥香蔥芝士薄餅$88，香口又鬆軟，芝士味剛好，配上特別的醬汁，食多幾件都不覺膩。一拎起好多芝士。法國燒春雞(全隻)$108, 雖然是燒春雞，但都唔細隻，仲配左薯角，好大份，而且好好味。睇下隻雞脾，皮脆肉嫩。總括黎講，呢到環境舒適，食物質素又好，如果想食德國菜就黎呢度啦!