寿司の神 (已結業)

每次去食壽司之神都總會有驚喜，除咗食材新鮮之外，師傅亦好用心介紹菜式，可以近距離欣賞師傅處理食材同握壽司嘅手藝，同朋友都食得好滿足！ʟᴜɴᴄʜ ᴏᴍᴀᴋᴀsᴇ $780/1❀先付❀►胡麻沙律 ►北海道白粟米有別於一般黃粟米，粟米粒粒飽滿，口感清爽，多汁無渣►白飯魚茶碗蒸蒸蛋口感嫩滑，除咗白飯魚，仲有蟹柳、元貝、冬菇❀刺身四品❀►小長井真蠔蠔肉飽滿爽身，入口味道清甜，配自家製酸汁突顯鮮味►松葉蟹 唔食蠔嘅朋友有松葉蟹食，份量超多，配上紫蘇花食，增添一陣香氣►新鮮赤貝師傅拍打赤貝後令神經收縮，食落爽脆，配上七色芝麻口感脆卜卜►海膽墨魚杯將墨魚切成一粒粒令口感黏好多，加入馬糞海膽同法國魚子醬拌勻食用，味道好鮮好甜好濃郁►炙燒深海池魚炙燒過後逼出魚油，肉質細緻爽口，入口魚油甘香細膩，以柚子胡椒點綴❀燒物❀►目光魚油香味濃郁，炸到連幼骨都可以食埋，肉質嫩滑酥香，咸香味濃❀壽司八貫❀►帶子口感肥美 肉質鮮嫩►金線鯛肉質鮮美細嫩►間八 油分較重，魚肉口感韌中帶有少許脆感►醬油漬赤身魚肉口感滑身似啫喱，軟中帶有嚼感►大拖羅油分重，魚身軟滑，每啖都係幸福滋味►蛇腹拖羅熟成7日，魚味更濃郁更鮮甜，入口即化