其實係咪得元朗人食車仔麵先會落甜醬？🧐諗返起之前返學同同學食車仔麵🍜，成枱得我同另一個又係住元朗的同學喺度問點解冇甜醬提供😂。今次難得清清地叫咗個墨丸🐙加生菜幼麵🥬。一如既往的味道😌，因為加咗咖喱汁所以有少少辣辣地，加埋甜醬味道啱啱好😋。呢間舖頭真係有細食到大👧🏻，好似又由出世嗰陣已經喺度👶。除咗車仔麵之外，我有時都會喺度買粉仔😚，唔知點解食過咁多間好似都係呢間最好味，可能呢啲就係童年嘅味道😂。雖然呢間舖頭望落去好殘好舊，但入到去都乾淨企理嘅✨。而且我諗呢個價錢出面應該食唔到🤑。下次大家黎元朗都可以試吓，不過佢個位置都有啲難搵😎。同埋鍾意食重口味嘅可能就唔係咁啱你哋啦🤪。
