紙飛機親子空間

營業中

休息中

聖誕同咗表姐同埋佢個女去玩，佢個女6歲，話佢聽去玩已經好開心，坐緊車時已經不斷問「到未呀」「咁耐嘅」，佢好心急嘅樣好得意。入到去見到咁多玩具同埋佈置就梗係勁開心，想馬上衝入去玩。安頓咗小朋友去玩之後，大人睇下有咩食啦。揀咗1份兒童餐，再加上咕嚕肉，紅燒獅子頭、台式滷肉飯。兒童餐有好多野食，有海鮮豆腐羹，蝦仁炒蛋，鮮茄蘑菇麵，有個企鵝造型嘅奶黃包，仲有健康嘅水果，加上果汁。份量其實都幾多，我諗多數小朋友都未必食得晒。大人食嘅菜式都好有水準，味道算有驚喜，咕嚕肉好好食，豬肉唔會過肥，又無油淋淋，加上酸酸甜甜嘅醬汁，最推介呢道菜式。