鮨芸館 (已結業)

工廠區越黎越多隱世食肆，除左觀塘，荔枝角嘅小店都不可以小覷。喺D2 place一帶更加係百花齊放，美食如雲。鮨芸館裝修有別於一般傳統日本餐廳，行時尚精緻路線，但又不失親切感。原因係店內貼上一張張客人用木顏色嘅畫作作為裝飾，令人有一種溫暖感。我最欣賞佢嘅餐具，十分優雅。今日叫左三文魚三色丼定食。前菜嘅沙律，漬物均屬普通。味噌湯十分濃郁。三文魚丼分別有三文魚片，三文魚子同三文魚碎。魚片只有幾塊，切得略嫌太薄，幸好尚算鮮甜。三文魚子好新鮮，粒粒飽滿，食落有咸鮮味。唯獨份量相對地少。三文魚碎有啲乾，凈食有啲鞋口，似食緊雞胸。撈埋飯一齊食就無問題。印有日文字嘅玉子口感軟熟，蛋香十足。