影片
更多
2022-08-18
82 瀏覽
太耐冇去旅行，好掛住日本嘅居酒屋、海鮮，所以今日決定同friend去食位於尖沙咀嘅黑門水產頂頂引先🤩鋪頭裝修好有日本居酒屋嘅感覺，好親切！因為book左位，所以唔駛點等就入得，職員都好有禮貌！我地一行2人叫左黑門令蟹味噌甲羅燒、牛油燒帆立貝、長崎伊佐木、黑門三文魚加州反卷、黑門帆立貝伴魚籽醬、黑門令龍蝦湯煮海鮮、巨峰梳打及京都宇治抹茶燒酌。1.黑門帆立貝伴魚籽醬 $78隻帶子大隻新鮮甜美，經火灸後，令帶子外層食落彈牙，又保留到內層軟棉棉同刺生嘅甜味，加埋面層d魚子醬同海膽包住一齊食，真係好鮮味😋😋2.黑門三文魚加州反卷$118反卷大舊又用料豐富，食落好滿足！我非常欣賞d壽司飯，用筷子夾起唔易散，但入口就易鬆散，証明了師傅製作時嘅力度控制得好好，做到手扼壽司個種效果🥰3巨峰梳打及京都宇治抹茶燒酌 $58/$68巨峰梳打糖漿同梳打比例做得岩岩好，所以唔會死甜同藥水味，好飲😋京都宇治抹茶燒酌，抹茶味香濃，飲落第一啖唔覺有酒味，但口腔慢慢會feel到很淡嘅酒味，非常特別，幾岩我口味😉4.牛油燒帆立貝$72帆立貝新鮮大隻，用牛油一齊燒，一上枱香氣四溢，加上燒嘅時間岩岩好，冇over cook，所
鋪頭裝修好有日本居酒屋嘅感覺，好親切！因為book左位，所以唔駛點等就入得，職員都好有禮貌！
我地一行2人叫左黑門令蟹味噌甲羅燒、牛油燒帆立貝、長崎伊佐木、黑門三文魚加州反卷、黑門帆立貝伴魚籽醬、黑門令龍蝦湯煮海鮮、巨峰梳打及京都宇治抹茶燒酌。
1.黑門帆立貝伴魚籽醬 $78隻
帶子大隻新鮮甜美，經火灸後，令帶子外層食落彈牙，又保留到內層軟棉棉同刺生嘅甜味，加埋面層d魚子醬同海膽包住一齊食，真係好鮮味😋😋
2.黑門三文魚加州反卷$118
反卷大舊又用料豐富，食落好滿足！我非常欣賞d壽司飯，用筷子夾起唔易散，但入口就易鬆散，証明了師傅製作時嘅力度控制得好好，做到手扼壽司個種效果🥰
3巨峰梳打及京都宇治抹茶燒酌 $58/$68
巨峰梳打糖漿同梳打比例做得岩岩好，所以唔會死甜同藥水味，好飲😋
京都宇治抹茶燒酌，抹茶味香濃，飲落第一啖唔覺有酒味，但口腔慢慢會feel到很淡嘅酒味，非常特別，幾岩我口味😉
4.牛油燒帆立貝$72
帆立貝新鮮大隻，用牛油一齊燒，一上枱香氣四溢，加上燒嘅時間岩岩好，冇over cook，所以食落鮮甜彈牙，正！
5.黑門令蟹味噌甲羅燒 $72
係香港我好怕食甲羅燒，因為好多地方用嘅蟹膏唔夠靚係腥，所以我都好少食，但依間嘅就絕對唔腥，食落好香蟹膏味道，加埋餅乾一齊食，口感同味道十足！😋
6.黑門令龍蝦湯煮海鮮$98
湯底龍蝦味濃郁，入面有蝦、蠔、魷魚、冬菇、芋絲等等，用料充足！每樣材料都吸收左湯嘅味道，所以食落啖啖龍蝦湯味😋正
7.長崎伊佐木 $428
一般日本食熟魚都係以燒嘅多，今次伊佐木唔用燒嘅方式，係採用煲煮的方式製作，魚肉鮮甜、肉質結實，1d都唔會腥，加上好大條，食完覺得好滿足😋😋
整體黎講，食物質素高，環境接近日本當地居酒屋，而且價錢黎講係尖沙咀都唔算話好貴，所以好岩想頂下日本引嘅朋友仔黎😃
張貼
