更多
2014-11-29
1435 瀏覽
依個年頭，社會氣氛唔好，公司氣氛又唔好，聽唔少朋友講都想轉轉工，大家都憂心忡忡，好似無咩出路 。做朋友嘅，可以做嘅都喺聽你分享，意見就真喺俾唔到，另外，就喺帶你食啲甜品，舒解一下悶氣及鬱結 。唔喺要有悶氣先要嚟食吓甜品嘅，所以，晚飯後九點、十點都有唔少人嚟幫襯，尤其好似今晚仲喺開心星期五，客人就更多，兼且越夜越爆場添。焦糖布甸椰皇子喺推介俾朋友嘅必點甜品，再叫兩款以前未試過嘅，齊齊分享。 焦糖布甸椰皇子 $36 朋友話果然無介紹錯，製作有心思，以椰皇水做嘅啫喱，冰涼清爽，味道自然，而焦糖布甸質感滑嫩富蛋香，點點焦糖濃香叫人食得更有種甜蜜感。椰皇肉食得唔好嘥，我哋刮得佢一乾二淨，皆因清甜好味，值得翻兜再翻兜 。 伯爵茶刨冰椰皇子 $33 一大杯包含好多食材，有刨冰、涼粉、西米、椰皇啫喱、伯爵茶啫喱，再倒入伯爵茶糖漿及加上Oreo餅碎，可謂味道、口感多變，伯爵茶味又幾香 。不過，刨冰唔夠細綿，亦溶得較快。 朱古力窩夫 $39以前試過佢嘅芒果窩夫，嗰時啲窩夫都喺傳統嘅格仔形，依家就改咗心形，雖然唔算得創新，倒適合啲情侶點一客兩份食。朱古力窩夫熱烘烘，入口外脆內軟
唔喺要有悶氣先要嚟食吓甜品嘅，所以，晚飯後九點、十點都有唔少人嚟幫襯，尤其好似今晚仲喺開心星期五，客人就更多，兼且越夜越爆場添。焦糖布甸椰皇子喺推介俾朋友嘅必點甜品，再叫兩款以前未試過嘅，齊齊分享。
焦糖布甸椰皇子 $36 朋友話果然無介紹錯，製作有心思，以椰皇水做嘅啫喱，冰涼清爽，味道自然，而焦糖布甸質感滑嫩富蛋香，點點焦糖濃香叫人食得更有種甜蜜感。椰皇肉食得唔好嘥，我哋刮得佢一乾二淨，皆因清甜好味，值得翻兜再翻兜 。
伯爵茶刨冰椰皇子 $33 一大杯包含好多食材，有刨冰、涼粉、西米、椰皇啫喱、伯爵茶啫喱，再倒入伯爵茶糖漿及加上Oreo餅碎，可謂味道、口感多變，伯爵茶味又幾香 。不過，刨冰唔夠細綿，亦溶得較快。
朱古力窩夫 $39以前試過佢嘅芒果窩夫，嗰時啲窩夫都喺傳統嘅格仔形，依家就改咗心形，雖然唔算得創新，倒適合啲情侶點一客兩份食。朱古力窩夫熱烘烘，入口外脆內軟，配合濃郁嘅朱古力雪糕，仲有少少冰火之效 。而香蕉、榛子仁稍為只有點陪襯嘅感覺，隨窩夫仲伴上朱古力醬，雖則好香濃，不過，質感略嫌杰身咗 ，影響個整體口感。
今次除咗個焦糖布甸椰皇子之外，其餘兩款甜品都有啲缺點，需要改進一下，但睇得出小店用心製作，希望繼續努力，創作更多優質有心嘅甜品。
張貼
