點左個刺身定食餐$188，諗住都唔會太差，點知依間野可以差到我忍唔住寫食評😮💨
前菜沙律係好普通麻胡醬沙律菜，正正常常，除左醬多左d。
然後我等左20分鐘都未有野上枱，依個時候侍應攞左一堆即沖麵豉湯包出嚟！然後跟餐麵豉湯就上枱了……
等多一陣，刺身同飯都上枱，一睇，仲以為自己俾幾十蚊食緊爭鮮🙄🙄
同價係灣仔食過幾間日本餐廳，都有擺盤靚刺身，依間既刺身同食自助餐自己夾既一樣樣，唔明點解要等成20分鐘出餐🤬飯食落唔似平時日本餐廳既日本米，零彈性零米味。
最後跟餐要左芝麻味雪糕諗住唔會衰，點知食落淨得一口雪氣味，完全食唔到芝麻味💩
依間野適合推薦俾同自己有仇既人食😮💨😮💨😮💨
同價位既日本野係灣仔大把高質過佢，無必要浪費錢去食依間垃圾…..
1
