僕之拉麵 (已結業)

餐廳：僕之拉麵地點：旺角豉油街菜式：拉麵，主打豚骨湯拉麵餐牌：主要拉麵5款，都有限定拉麵，可追加配料，小食，飲品特選拉麵 $135特選拉麵湯底選左豚骨濃湯，飲啖湯先，果然好濃厚，我無加湯油，味道唔會太油。拉麵係幼身，我無特別要求硬度。質感較淋，都頗有蛋香，份量唔會太多。叉燒有1.5倍，即係三大塊，厚度適中，有口感，豬味濃，又唔會韌，好味。炙叉燒一大片，燒得好香口又脆又啖啖肉，好正！紫菜兩枚，浸湯吸湯一流。蔥少量。味筍兩片。味付雞蛋一開二，個心好淋滑，味道唔會太鹹。另外我追加左水餃子三個$25，分開上，餃子皮少少爛開，唔算太厚，入面肉餡都幾多。蟹棒兩本$18，超大條，啖啖肉，味道都唔假。另外叫左兩款小食。炸雞4個 $38炸雞熱辣辣，大大件。炸得皮脆肉嫩好多汁，伴有檸檬同沙律醬。炸章魚丸6個 $30炸章魚丸外皮少脆而入面超滑，中間有章魚粒有少少咬口。面頭灑上紫菜絲同木魚花，加上滿滿章魚燒汁，伴有沙律醬，質素唔錯。蜜瓜梳打$24 桃梳打$24日本水果梳打原支上枱，我地揀左三款口味既其中兩款，仲附有獨立包裝吸管。今餐食物質素唔錯，特別欣賞叉燒質素。拉麵店座位同裝修連播放既音樂都好有日式風味。