影片
更多
2019-08-11
57 瀏覽
係灣仔返左差不多兩年工，但食來食去都係果幾間，難得今晚老細話慰勞我地呢完左個大project請我地食好西，我地就揀左呢間零負評既日式餐廳，好好享受！餐廳環境好大，感覺有少少似酒店既餐廳，入面有Bar枱、卡位，一D都唔覺得迫，坐得好舒服。首先嚟嘅係兩杯welcome drinks 含酒精飲品，蘋果汁加清酒，飲落去有清清地嘅蘋果香味，酒精味道一點都唔會強烈，唔飲得酒嘅女仔完全無問題可以飲到。第一道菜係涼菜：煙燻糖心蛋鴨胸，上來嘅時候煙霧彌漫，好有仙氣！裝飾都幾別致，係有隻雞仔係蛋隔離，隻碟上面有一對手既圖案，好似捧住個鳥巢咁！味道方面鴨胸肉甜甜地，唔會太咸。雞蛋味道好香濃，幾開胃！然後都係涼菜：蒸鮑魚配牡丹蝦素麵。素面係涼既，有蝦膏既香味， 仲有少少芥末味。而牡丹蝦同鮑魚都好鮮甜！配埋少少蔥油夾埋一齊食，成件事好match！接下來就係熱辣辣炸起既吉烈牛！因為新鮮整起，脆卜卜，一D都唔乾，牛肉亦都唔會老同韌，配埋蔥一齊食又係好和諧，而旁邊個醬係配炸物既酸甜醬，增加風味，不過我覺得就算唔點醬都好好食。松茸配自製牛丸菠菜木棉花湯：第一次飲湯品係咁樣翻熱！望住D湯係下面個器皿翻滾，然後升上上層
餐廳環境好大，感覺有少少似酒店既餐廳，入面有Bar枱、卡位，一D都唔覺得迫，坐得好舒服。
首先嚟嘅係兩杯welcome drinks 含酒精飲品，蘋果汁加清酒，飲落去有清清地嘅蘋果香味，酒精味道一點都唔會強烈，唔飲得酒嘅女仔完全無問題可以飲到。
第一道菜係涼菜：煙燻糖心蛋鴨胸，上來嘅時候煙霧彌漫，好有仙氣！
裝飾都幾別致，係有隻雞仔係蛋隔離，隻碟上面有一對手既圖案，好似捧住個鳥巢咁！
味道方面鴨胸肉甜甜地，唔會太咸。雞蛋味道好香濃，幾開胃！
然後都係涼菜：蒸鮑魚配牡丹蝦素麵。
素面係涼既，有蝦膏既香味， 仲有少少芥末味。而牡丹蝦同鮑魚都好鮮甜！配埋少少蔥油夾埋一齊食，成件事好match！
接下來就係熱辣辣炸起既吉烈牛！因為新鮮整起，脆卜卜，一D都唔乾，牛肉亦都唔會老同韌，配埋蔥一齊食又係好和諧，而旁邊個醬係配炸物既酸甜醬，增加風味，不過我覺得就算唔點醬都好好食。
松茸配自製牛丸菠菜木棉花湯：第一次飲湯品係咁樣翻熱！望住D湯係下面個器皿翻滾，然後升上上層，再滾起上層既木棉花，然後跌返落去，好有趣呢！
湯碗原本都好多料！
翻熱好既湯，味道清清地，有淡淡松茸香味，好好飲！一D都唔覺得漏！
呢碟壽司好創新！而味道好有驚喜！
呢件牡丹蝦壽司用豆紙去代替傳統既紫菜，賣相有D似燒賣！牡丹蝦本身已經好鮮甜，裡面再配少少蝦膏，連有少少咸咸地既豆紙一齊食，好味道而且感覺好得意！
火灸三文魚腩本身好肥美，生菜岩岩好中和左魚油既肥膩！呢個食法真係好有創意！
而裡面本身已經有調好既醬汁，唔洗再另外點鼓油都好夠味。
再來創意壽司三點，即刻俾佢色彩繽紛既賣相吸引左。
尤其是中間好似糉既糯米團子，一打開荷葉已經散發住香味。
原來佢係蟹膏糯米飯，用左蝦湯來煮，咸咸香香，而且糯米既味道好香濃！
魚肝配脆米餅，魚肝質感好滑溜，帶有少少酒香甜甜地既味道，而且一D都唔腥，配埋脆卜卜既米餅食岩岩好！
真蟹黃，蟹味十足，味道有D似咸蛋黃，我覺得配蟹膏糯米團子好夾。
吞拿魚蓉他他，上面有兩塊好似春卷既脆片，配上微辣既醬汁，裡面有生菜，食落又係毫無違和感！不禁佩服廚師既創意！
最後係女士最愛既甜品！焦糖多士配芝麻雪糕。多士又係新鮮熱辣辣整好，非常香脆，又一D都唔覺得太甜。
配埋有少少提子味有汽既無酒精Dessert wine，完美作結今晚晚餐！
PS 成餐飯食左差不多三個鐘，好似食法國菜咁食完一道先會上另一道，廚師同員工上菜都會簡單介紹下菜式，佢地服務都好好！係非常適合慶祝、慢慢坐下傾計既餐廳！
張貼
