添好運點心專門店

營業中

休息中

去奧海城行街shopping完，想找間餐廳食下嘢休息一下，最後揀咗食點心 - 添好運。不知是否給炸雞店收購後，多了些特色創意點心。韭王鮮蝦腸 - 正常的鮮蝦腸，冇乜韭王味。酥皮焗叉燒包 - 這個招牌菜每次黎到都一定要叫，坊間有許多茶樓爭相模仿，但做唔到添好運的皮薄餡多加上雪山的效果，出面只能做到叉燒餐包。蛋白蝦春卷 - 口感特別，春卷入面有點似賽螃蟹，唯一美中不足的是蛋白比例比較多，蝦味不夠，失去蝦春卷的精髓。鮮肉韭菜蝦薄餅 - 以為是薄撐之類，原來是兩面炸皮中間夾餡，口感似炸雲吞，餡料算多，但只食到鮮肉韭菜味。由旺角舊舖食到開分店，見證由平民小鋪去到米芝蓮餐廳，沒有因為被收購/品牌名氣，去抬高價錢或食物水準下降，但我覺得還是食傳統點心比較好。