千家客 (已結業)

地道傳統麵食, 我覺得係食極唔厭的東西, 好似雲吞麵咁, 間唔中就想隊返一碗, 今晚約左朋友黎佐敦買大閘蟹, 就揀左千家客食啦, 佐敦係一個好有本土氣息既地方, 如果有外國朋友黎, 都會帶佢地黎呢度行下, 食下地道野。先來兩杯羅漢果茶$20@ - 煲過羅漢果茶既人都知道個味, 呢個就係自己煲既味道, 似乎都無落糖果D, 好足料好純粹。京都炸醬撈麵$53 - 足夠多的醬汁, 味道好正宗, 少少甜, 少少辣, 有油潤感, 橙色的醬汁下, 包裹著肉絲和酸菜, 麵條爽口, 一切都來得剛剛好, 附上一小碗大地魚湯底, 清清地, 不過鹹, 可以飲晒。腩汁菜心$20 - 雖說是腩汁, 但個汁唔係咁簡單, 有薑、果皮、同一啲香料, 都幾有層次, 菜心大棵得黎又幾嫩, 保持翠綠, 幾吸引人食。淨水餃拼雲吞$68 - 睇落價錢有啲貴, 但又真係啖啖隻隻都好足料, 水餃比較大隻, 雲吞比較小, 兩者都有好新鮮爽口的蝦, 又有肉同其他配料, 用料新鮮, 水餃及雲吞皮夠薄唔會穿, 兩樣野都充滿心思, 食完好飽好滿足, 連個湯都飲埋。