古琴潮州酒家 (已結業)

潮州菜是香港人集體回憶、小時候係上環潮州巷的記憶仍然歷歷在目。朋友介紹、一於擇個好日試一試。凍馬友魚 ～ 正。師傅功夫嘢、浸魚嘅水溫同時間都掌握得非常老練、魚肉嫩滑有魚味。韭菜豬紅 ～ 可以。豬紅9成9係現成貸、所以呢味餸無乜難度、調味合格。要挑剔的話、個人覺得如果可以熱辣辣咁上就加可以再加多D分。椒醬肉丁 ～ 劣。印象中潮式的椒醬肉丁雖然係用一D廚房用剩既食材、例如肉丁、菜脯丁、青椒丁等雜碎炒香嚟送潮州粥或下酒嘅小菜。但係古琴呢到嘅椒醬肉賣相真係超趕客、味又淡、而且凍冰冰咁奉客（直頭係雪櫃剛剛取出嚟嘅溫度、當晚街外面溫度大約 17 度。。。）、老實㗕、真係我係香港食過最差嘅潮州椒醬肉。。。希望師傅可以加加油！鹵水掌翼、鹵水鵝件（下庄）～ 正。10成10 係用冰鮮鵝嫁啦、不過師傅用足功夫、鹵水汁嘅溫度、時間都掌握得很好、無論鵝肉、鵝掌同鵝翼都鹵得非常嫩滑同入味（係幽香非死咸果種）、送酒妙品！蜜柚西檸汁蝦球 ～ 蝦明顯係用冷藏貨、啤水啤到完全沒有蝦味果種、不是我個人杯茶。。。不過3個朋友都話正。。。其實可能係D調味。。。甜甜酸酸酥炸完香口。。。食物嘅嘢、啱就好食、唔啱就一於小食。。。潮州