日月樓

營業中

休息中

傳統京菜日月樓登陸船街，門口色彩鮮艷嘅霓虹燈招牌充滿懷舊老香港風味，無論係北京填鴨、打滷麵、京式醬蹄等道道傳統京菜都可以喺依度品嚐得到。當然必試京菜嘅代表北京填鴨，北京填鴨燒得外皮鬆化食落完全唔會有油膩感，配上薄薄的餅皮磨豉醬、砂糖同京蔥口感層次更加豐富。大蔥羊肉餡餅咬開非常爆汁，就算唔太食羊嘅都覺得唔錯，燴全丁原來係加入冬笋、冬菇、肉粒嘅湯𡙡，鐵板宮爆明蝦球帶點微辣相當惹味，干炒牛肉絲炒得非常乾身帶點酥脆，加上一層好似麥芽糖般香甜嘅外層，與叉子燒餅伴食相當之夾。最後又點少得非常吸精既甜品，拔絲香蕉賣相滿分，高力豆沙香蕉食落空氣感十足，紅豆加上香蕉味道相當唔錯。