大瀛喜日本料理 (已結業)

好耐都冇食過放題啦，今日約咗朋友食飯但係又諗極都諗唔到食咩好，就決定咗去放縱一下食放題，咁就想食咩都得😎叫咗幾款壽司嚟試吓，佢哋有啲芝士鋪喺面，芝士味十分濃郁，同壽司嘅味道都好夾，啱晒我呢啲芝士迷😍芝士蟹柳壽司嘅蟹柳大大條，淨係望到都已經有種好滿足嘅感覺，食落味道當然都唔錯啦🤣🤣難得我同朋友兩個都食榴槤，又點少得榴槤炸彈，佢嘅炸粉唔算厚，上到嚟仲係熱熱地，咬開有香濃嘅榴槤蓉，好正😋😋天婦羅一樣炸得好香脆平時好少喺放題嗰度食甜品，今次想試吓佢嘅心太軟，細細粒咁好易入口，唔會阻住個胃，甜度適中，值得一試！最後就係雞翼，好入味！